Sekretarja e Shtetit e Ministrisë së Punëve të Jashtme të Finlandës, Johnna Sumuvuori, përmes një postimi në rrjetin social ‘Twitter’ ka njoftuar për takimin që ka zhvilluar me zëvendësministrin e Punëve të Jashtme të Kosovës, Kreshnik Ahmeti.
Sumuvuori ka thënë se sa i përket çështjes së anëtarësimit të Kosovës në KiE, Finlanda e përkrah plotësisht Kosovën në rrugën e saj evropiane.
”Diskutime të shkëlqyeshme me zëvendësministrin e Kosovës në çështje të ndryshme, përfshirë vendimin e Kosovës për të aplikuar në Këshillin e Evropës. Finlanda përkrah plotësisht përpjekjet e Kosovës në rrugën e saj evropiane”, ka shkruar sekretarja e shtetit të Finlandës.
Excellent discussions with 🇽🇰 Deputy Minister @Kreshnik_A @MFAKOSOVO on many topical issues, including Kosovo’s decision to apply to the Council of Europe @CoE. Finland fully supports Kosovo’s efforts on its European path. @Ulkoministerio 🇫🇮🇽🇰 pic.twitter.com/XABI6IOowc
— N. Johanna Sumuvuori (@sumuvuori) May 19, 2022
Kosova ka aplikuar zyrtarisht për anëtarësim në Këshillin e Evropës, më 12 maj.
Zëvendëskryeministrja, njëherësh ministre e Punëve të Jashtme dhe Diasporës, Donika Gërvalla, e ka dorëzuar fizikisht aplikimin në këtë institucion.
Këshilli i Evropës është një organizatë e shteteve evropiane, e themeluar më pesë maj 1949, për të arritur një bashkim më të madh midis vendeve anëtare mbi bazën e traditave të tyre të përbashkëta të lirisë politike.
Organizata ka 47 shtete anëtare dhe vepron me një buxhet vjetor prej rreth 500 milionë eurosh.
Për t’u anëtarësuar, Kosovës i duhen 2/3 e votave të vendeve anëtare. Shpresat për pranim janë shtuar pas largimit të Rusisë nga ky mekanizëm.
Për këtë rrugëtim, Kosova ka marrë mbështetjen edhe të tri shteteve të fuqishme, SHBA-ve Gjermanisë dhe Britanisë së Madhe, por jo edhe të Francës, e cila është shprehur skeptike.
Gjermania në mbështetje të Kosovës për anëtarësim në Këshillin e Evropës