Kosova synon thellimin e marrëdhënieve me shtetet arabe

Zëvendësministri i Punëve të Jashtme të Kosovës, Kreshnik Ahmeti në hapjen e konferencës ndërkombëtare arabo-evropiane ka thënë se Kosova është e interesuar t’i thellojë dhe zgjerojë marrëdhëniet që ka me shtetet arabe

Konferenca ndërkombëtare arabo-evropiane ”Ndikimi i ndryshimeve klimatike në degradimin e tokës”

Zëvendësministri i Punëve të Jashtme të Kosovës, Kreshnik Ahmeti në hapjen e konferencës ndërkombëtare arabo-evropiane ”Ndikimi i ndryshimeve klimatike në degradimin e tokës”, ka thënë se Kosova është e interesuar t’i thellojë dhe zgjerojë marrëdhëniet që ka me shtetet arabe.

Përmes një postimi në rrjetin social ‘Facebook‘, Ministria e Punëve të Jashtme dhe Diasporës (MPJD) ka njoftuar se nën organizimin e Akademisë Diplomatike të MPJD-së, Ministrisë së Mjedisit, Planifikimit Hapësinor dhe Infrastrukturës si dhe Unionit Arab për Zhvillim të Qëndrueshëm dhe Mjedis, ka nisur të shtunën, në Prishtinë ”Konferenca Ndërkombëtare Arabo-Evropiane: Ndikimi i ndryshimeve klimatike në degradimin e tokës”.

konferenca ndërkombëtare arabo-evropiane ”Ndikimi i ndryshimeve klimatike në degradimin e tokës”

Ahmeti është zotuar se Qeveria do ta përkrahë dhe ndihmojë secilin projekt apo bashkëpunim që krijohet mes shteteve arabe dhe Kosovës, në fushat që konferenca synon të arrijë bashkëpunime.

”Kam kuptuar edhe nga përbërja e delegacionit të Unionit Arab se ka jashtëzakonisht shumë mundësi të lidhjes së kontakteve afatgjate dhe të cilat mund të jenë produktive në të ardhmen e vendit tonë dhe Unionit Arab. Ne kemi marrëdhënie të shkëlqyeshme me vendet arabe dhe jemi të interesuar t’i thellojmë dhe zgjerojmë ato edhe me tutje. Zotohem se nga Ministria jonë do ta keni ndihmën dhe mbështetjen e plotë”, është shprehur Ahmeti, thuhet në komunikatën e MPJD-së.

Kreshnik Ahmeti, zëvendësministri i Punëve të Jashtme i Kosovës

Kurse, ministri i Mjedisit, Planifikimit Hapësinor dhe Infrastrukturës, Liburn Aliu, ka thënë se Qeveria është e përkushtuar që në fushën e mjedisit të vendosë mekanizma të qartë duke trajtuar me prioritet çështjen e mjedisit dhe ndryshimeve klimatike.

Liburn Aliu, ministri i Mjedisit, Planifikimit Hapësinor dhe Infrastrukturës

Drejtori i Akademisë Diplomatike, Beqir Ismaili, ka thënë se ndryshimi i klimës është tashmë një realitet i pamohueshëm dhe se faktor për këtë ndryshim është edhe zhvillimi i teknologjisë.

Ndërsa, sekretari i përgjithshëm i Unionit Arab për Zhvillim dhe Mjedis, Ashraf Abdel Aziz, ka thënë se ndryshimet klimatike janë të rëndësishme për të gjitha shtetet dhe duhen trajtuar me prioritet.

Konferenca do të zhvillojë punimet edhe gjatë të dielës, më 8 maj. Këto panele me ekspertë të fushave të ndryshime do të diskutojnë mundësitë e përmirësimit të qasjes së shteteve ndaj ndryshimeve klimatike.

Konferenca ndërkombëtare arabo-evropiane ”Ndikimi i ndryshimeve klimatike në degradimin e tokës”

Shija e redaktorit

Komandanti i Gardës së Ajova-s bashkë me gjenerallejtënant Jashari shohin...

Komandanti i Forcës së Sigurisë së Kosovës (FSK), gjenerallejtënant Bashkim Jashari, së bashku me komandantin e Gardës së Ajova-s, gjeneral major Stephen E. Osborn,...

Kreshnikët e Shalës së Bajgorës

Ulërima e 300 spartanëve dhe mbretit Lenoidhas, i trimërohet e me cinizëm i buzëqesh vdekjes, tash e 2500 vjet. Shaljanët, mund të kenë dëgjuar për...

FFK prezanton nesër përzgjedhësin e ri të Kosovës

Federata e Futbollit të Kosovës (FFK) përmes një njoftimi zyrtar ka bërë të ditur se nesër (e shtunë) do të bëhet prezantimi i përzgjedhësit...

Të fundit nga rubrika