Kosova në ndihmë popullit ukrainas

Ministria e Punëve të Jashtme dhe Diasporës ka zyrtarizuar marrëveshjen me Shoqatën Humanitare Bamirëse “Nënë Tereza”, për ofrimin e ndihmës humanitare dedikuar popullit të Ukrainës, viktima të agresionit ushtarak rus.

Marrëveshja është nënshkruar nga zv.sekretari i Përgjithshëm i Ministrisë së Punëve të Jashtme dhe Diasporës Behar Isma, dhe drejtori i Shoqatës “Nënë Tereza”, Zef Shala.

Kjo marrëveshje e pason vendimin e Qeverisë së Republikës së Kosovës, për ndarjen e 100 mijë eurove për blerjen e kontingjentit të parë të ndihmave humanitare për popullin e Ukrainës, kërkesë kjo e ministres së Jashtme dhe Diasporës, Donika Gërvalla-Schwarz.

MPJD dhe shoqata 'Nënë Tereza' nënshkruajnë marrëveshje për t'i dërguar  ndihmat humanitare në Ukrainë - Gazeta Prestigji

 

 

Me këtë marrëveshje, palët janë dakorduar që Shoqata Bamirëse “Nënë Tereza” të bëj përgatitjen e pakos humanitare me produkte esenciale nga Republika e Kosovës, dhe më pas, me partnerët e saj ndërkombëtarë të shpërndaj këto ndihma në shtetet ku refugjatët ukrainas janë duke u strehuar.

Pakoja humanitare do të përmbajë produkte esenciale që përfshijnë higjienën dhe kujdesin personal, akomodim dhe ushqime.

Blerja, paketimi vendosja e shenjave dalluese të Republikës së Kosovës, dhe nisja e pakove humanitare do të bëhet brenda 20 ditëve në vijim.

May be an image of 2 people and people standing

 

Zv.Sekretari Isma dhe Shala kanë theksuar se janë të kënaqur që ky proces tashmë është finalizuar dhe janë shprehur të lumtur që Republika e Kosovës do të kontribuojë sado pak në mirëqenien sociale të popullit të Ukrainës që po përballet me agresionin e Federatës Ruse.

Këtë marrëveshje që është realizuar të premten, ministrja Gërvalla e kishte propozuar para një muaji para kabinetit qeveritar.

Ajo kishte thënë se Kosova përmes kësaj ndihme solide ofron mbështetje dhe shpreh solidaritetin e saj të pakursyer me Ukrainën dhe popullin e saj si dhe seriozitetin e saj si pjesë e botës së lirë dhe demokratike.

Kosovo: UCK-Spezialgericht für «Heilungsprozess der Gesellschaft»
Në këtë mbledhje të Qeverisë ishte miratuar edhe zgjerimi i pakos së masave sanksionuese ekonomike-financiare ndaj Rusisë dhe Bjellorusisë për shkak të konfliktit në Ukrainë.

Me inicimin e MPJD-së, Qeveria e Kosovës deri më tani ka pezulluar vizat për qytetarët e Ukrainës, ka ndarë mjete financiare edhe për strehimin e 20 gazetarëve ukrainas dhe i është bashkëngjitur të gjitha vendimeve sanksionuese që BE-ja dhe SHBA-ja i kanë vendosur Federatës Ruse.

Shija e redaktorit

Presidentja Osmani nderohet me Çmimin e Evropës nga Fondacioni Pan-Europian

Fondacioni Fondacioni Pan-Evropian Richard Coudenhove-Kalergi i ka ndarë Presidentes së Kosovës Vjosa Osmani, çmimin e ‘Evropës’, për përkushtimin e saj ndaj raporteve me partnerët...

Nis ceremonia e diplomimit të gjeneratës së 59-të të Policisë...

Ka filluar ceremonia e diplomimit të gjeneratës së 59-të të Policisë së Kosovës. Sot diplomojnë 445 kadetë të Policisë së Kosovës. Kryeministri i Republikës së Kosovës,...

Policia konfirmon arrestimin e Akil Gjakovës

Policia e Kosovës, ka arrestuar xhudistin Akil Gjakova, si të dyshuar për veprën penale dhunë në familje. Lajmin për Portalin Dukagjini e ka konfirmuar zëdhënësi...

Të fundit nga rubrika