Ish-selektori i Kosovës, Albert Bunjaki, e ka cilësuar ndeshjen e sontme ndaj Turqisë si një moment historik për futbollin kosovar, duke thënë se një kualifikim i mundshëm në Kupën e Botës do të kishte vlerë të madhe jo vetëm për të tashmen, por sidomos për të ardhmen.
Kosova nga ora 20:45 në Stadiumi Fadil Vokrri përballet me Turqinë në ndeshjen vendimtare të play-off-it për FIFA World Cup 2026, ku me një fitore mund të sigurojë pjesëmarrjen historike në këtë kompeticion.
Në FIVE të TV Dukagjinit, Bunjaki theksoi se një moment i tillë është pritur prej kohësh, por ka ardhur më shpejt sesa është menduar.