Kosova ‘shumë shpejt’ e anëtarësuar në KE

Paralajmërohet anëtarësimi i Kosovës në KE nga gazetari gjerman Michael Martens, i cili deklaroi se Kosova mund të jetë brenda pas përjashtimit të Rusisë

Gazetari Michael Martens ka deklaruar të premten e 22 prillit se Kosova ‘shumë shpejt’ do të iniciojë procesin e anëtarësimit të plotë në Këshillin e Evropës (KE).

Këtë ai e ka bërë të ditur përmes një postimi në Twitter, duke iu referuar burimeve të tij, duke shtuar se shanset për sukses janë të mira.

Gjithashtu, ai shkroi se për këtë çështje do të flasë më shumë në edicionin e nesërm të gazetës gjermane, Frankfurter Allgemeine Zeitung (FAZ).

“Rusia jashtë, Kosova brenda? Disa burime të besueshme konfirmojnë se Kosova ‘shumë shpejt’ do të iniciojë procesin e anëtarësimit të plotë në Këshillin e Evropës. Matematikisht dhe politikisht, shanset për sukses konsiderohen të jenë të mira. Më shumë në edicionin e nesërm të F.A.Z”, shkruan në Twitter Martens.

Përkundër faktit se janë bërë 14 vjet që nga shpallja e pavarësisë, Kosova vazhdon të mbetet jashtë prej disa organizatave më të rëndësishme ndërkombëtare, përfshirë edhe Këshillin e Evropës.

Ndërsa pas përjashtimit të Rusisë, anëtarësimi i Kosovës në KE është duke u konsideruar si i mundshëm.

Mirëpo, edhe vështirësitë për të arritur një gjë të tillë janë të mëdha duke parë pamundësimin deri më sot.

Dy javë më parë, presidentja e vendit, Vjosa Osmani, është shprehur optimiste për anëtarësimin e vendit në Këshillin e Evropës, por, sipas saj nga aplikimi deri në anëtarësim duhet një periudhë kohore.

Vjosa Osmani, presidentja e pestë e Kosovës

Osmani, gjithashtu, ka shtuar se më shumë se 2/3 e shteteve anëtarë të KE-së e kanë njohur Pavarësinë e Kosovës, duke thënë se kjo është në favorin tonë.

“Ne tashmë kemi dakordimin si institucione, dhe unë si drejtuese e Politikës së Jashtme kam kërkuar që sivjet të bëhet aplikimi për anëtarësim në Këshillin e Evropës. Jemi në fazën e fundit të përgatitjeve për aplikim, por ta keni parasysh se për anëtarësim në Këshillin e Evropës, shteteve të ndryshme iu është dashur kohë e ndryshme për pranim. Dikujt i është dashur 1 vjet e dikujt tjetër 5 vjet për anëtarësim. Ne po punojmë që me partnerët tanë kjo kohë të jetë sa më e shkurtër”, ishte shprehur ajo.

Këshilli i Evropës është një organizatë e shteteve evropiane, e themeluar më 5 maj 1949, për të arritur një bashkim më të madh midis vendeve anëtare mbi bazën e traditave të tyre të përbashkëta të lirisë politike. Organizata ka 47 shtete anëtare dhe vepron me një buxhet vjetor prej rreth 500 milionë eurosh.

Antarësimi i Kosovës në KE konsiderohet i mundur

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika