Kombëtarja e Kosovës të enjten do të nisë ndeshjen e parë për Kampionatin Evropian “Euro 2024”, ku do të luajë kundër Qipros, e cila do të presë ekipin kosovar në vendin e tyre.
Kosova para disa muajsh ka mësuar ekipet kundërshtare në Grupin 2 të Ligës C në Ligën e Kombeve.
Dardanët nga shortet e tyre do të jenë në grup me kombëtare të njohura si Irlanda e Veriut dhe Greqia, teksa në grup me ta gjendet edhe Qipro.
Pikërisht Qipro, është ekipi përfaqësues me të cilin Kosova do të nisë kualifikimet dhe ndeshjet në Ligën e Kombeve.
Ekipi kosovar i menaxhuar nga Alain Giresse do të luajë ndeshjen e parë, kësaj radhe si mysafir te Qipro.
Ndeshja pritet të zhvillohet në AEK Arena të Larnakas me fillim nga ora 18:00.
Kosova e drejtuar nga Alain Giresse, të mërkurën ka mbajtur seancën e fundit stërvitore para ndeshjes ndaj Qipros në Ligën e Kombeve.
Kjo do të jetë ndeshja e parë për Kosovën, kësaj radhe si mysafir.
Dardanët kanë udhëtuar drejt ishullit më të madh në Mesdhe paraditen e së mërkurës, derisa pasdite kanë kryer stërvitjen në “AEK Arena” në Larnaca.
Mbrojtësi Mërgim Vojvoda nuk ka udhëtuar fare me ekipin në Qipro, për shkak të lëndimit. Ai është kthyer në klubin e tij për të vazhduar trajtimin e nevojshëm.
Ndërkohë, pjesa tjetër e futbollistëve janë të gatshëm për ndeshje dhe janë optimistë për nismë të mbarë të edicionit të ri në Ligën e Kombeve.
Dardanët pas ndeshjes në Qipro, do t’i luajnë dy ndeshje në shtëpi kundër Greqisë dhe Irlandës së Veriut, derisa më pas udhëtojnë në Volos, për t’u përballur sërish me Greqinë.