Kryeministri i Maqedonisë së Veriut, Dimitar Kovaçevski, në një tubim partiak të LSDM-së, ka thënë se ai e ka një plan dhe vizion se si t’i trajtojë sfidat.
Kovaçevski ka theksuar se ai është i vendosur që të ecë drejt se ardhmes, e që është Bashkim Evropian. Sipas tij, Maqedonia e Veriut e meriton të jetë pjesë e BE-së e barabartë si të gjitha shtetet e tjera.
“Koncepti im është shtet i fortë ekonomikisht dhe stabil, e anëtar i plotë i BE-së, me gjuhë dhe identitet të mbrojtur maqedonas. Është një koncept për një vend të përparuar dhe të pasur”.
“Kjo është ajo, për të cilën, jam i përkushtuar, kjo është ajo për të cilën po punoj. Le të krenohemi maqedonas në BE, le të ulemi në tryezën e madhe në Bruksel, të barabartë, të fortë dhe më të pasur se që jemi sot”, ka deklaruar Kovaçevski.
Ai ka përfunduar duke treguar se po përkujdeset për standardin e qytetarëve të Maqedonisë së Veriut, që kur të bëhen pjesë BE-së të krenohen me vendin e tyre.