KPK i reagon Gërvallës për “gjuhën denigruese” të përdorur ndaj prokurorëve të shtetit

Çfarëdo konspiracioni i ngritur nga ajo lidhur me këtë çështje “është i paqëndrueshëm, joprofesional dhe përbën tentim për njollosjen e sistemit prokurorial", thuhet në reagimin e KPK-së

Ministrja e Punëve të Jashtme dhe Diasporës, Donika Gërvalla.

Këshilli Prokurorial i Kosovës (KPK), ka dënuar ashpër përdorimin sistematik të “gjuhës denigruese dhe joinstitucionale” të Qeverisë së Kosovës, përkatësisht ministres së Punëve të Jashtme dhe Diasporës, Donika Gërvalla, të përdorur ndaj prokurorëve të shtetit, në një nga emisionet vendore.

Sipas KPK-së, Prokuroria Themelore në Prishtinë është duke e trajtuar në mënyrë ligjore një kallëzim penal të pranuar nga Agjencia Kundër Korrupsion.

Andaj, siç thuhet në njoftim, çfarëdo konspiracioni i ngritur nga ajo lidhur me këtë çështje “është i paqëndrueshëm, joprofesional dhe përbën tentim për njollosjen e sistemit prokurorial”.

“KPK dënon ashpër përdorimin sistematik të gjuhës denigruese dhe joinstitucionale të Qeverisë së Republikës së Kosovës, përkatësisht ministres së Punëve të Jashtme dhe Diasporës, të përdorur ndaj prokurorëve të shtetit, në emisionin “Rubikon” të Klan Kosovës, ku duke mos zgjedhur mjete, kohë dhe fjalë, po tentohet cenimi i integritetit dhe pavarësisë së Prokurorit të Shtetit, si institucion i pavarur dhe kushtetues”, thuhet në njoftim.

Po ashtu, në njoftim theksohet se Këshilli Prokurorial i Kosovës respekton të drejtën e secilës organizatë të Shoqërisë Civile, në këtë rast, Kolektivit për Mendim dhe Veprim Feminist, për të protestuar lidhur me çfarëdo çështjeje që ka të bëjë me sistemin prokurorial.

“Mirëpo nuk i mirëkupton kur ato devijojnë duke përdorur fjalë fyese dhe denigruese ndaj bartësve të sistemit prokurorial, si dhe duke u munduar kështu të shtyjnë përpara kauza të caktuara politike”, vijon njoftimi.

Rrjedhimisht, KPK-ja thekson se “kjo nuk i shërben aspak aktivizimit të një organizate joqeveritare”, por pasqyron në vetvete “një veprim publik joracional që është në kundërshtim me parimet dhe të drejtat civile të aktivizimit në shoqëritë demokratike”.

Shija e redaktorit

Gazetari i RTV Dukagjinit, Dardan Idrizi shpallet fitues i çmimit...

Në ditën e shënimit të 20 vjetorit të themelimit të Asociacionit të Gazetarëve të Kosovës (AGK), kjo organizatë ka mbajtur një event, në të...

Fotografia familjare e Samitit në Tiranë

Siç e do zakoni, pjesëmarrësit e Samitit në Tiranë për Ballkanin Perëndimor dhe Bashkimit Evropian, kanë realizuar "fotografinë familjare" në ambientet e Hotel Marriott,...

Çfarë do t’i sjellin Kosovës ujditë në samitin e BE-së...

Të martën e 6 dhjetorit, samiti në Tiranë do të jetë i pari midis Bashkimit Evropian dhe Ballkanit Perëndimor që zhvillohet në territorin e...

Më të lexuarat

Rama polemikë me politikanin zviceran: Akuza për trafikim organesh është...

Kryeministri i Shqipërisë, Edi Rama, e ka pasur një polemikë me politikanin zviceran Damien Cottier, i cili i tha kryeministrit të Shqipërisë, se fjalimi...

Publikohen 9 pikat e planit franko-gjerman

Propozimi franko-gjerman për një kornizë të re të dialogut ndërmjet Kosovës dhe Serbisë po konsiderohet si një plan konkret për arritjen e një marrëveshjeje...

Aktorja që publikoi videon: Për personat përgjegjës ishte si lojë,...

Aktorja Kaltrinë Zeneli ka treguar historinë e publikimit të videos që bëri bujë të mërkurën, aty ku shihej një e moshuar gjersa keqtrajtohej nga...

Të fundit nga rubrika