Krasniqi: Emërimi i Aliut në KPM dëshmon synimin e Qeverisë për t’i kapur mediat

Kryetari i PDK-së, Memli Krasniqi, ka reaguar në një postim në Facebook pas emërimit të Luljeta Aliut si anëtare në Komisionin e Pavarur për Media. Sipas tij, ky emërim dëshmon se Qeveria është në mision për të penguar fjalën e lirë dhe synon kapjen e mediave

Memli Krasniqi, kryetar i PDK-së.

Kryetari i Partisë Demokratike të Kosovës (PDK), Memli Krasniqi, ka shprehur kundërshtimin e tij ndaj emërimit të Luljeta Aliut si anëtare në Komisionin e Pavarur për Media (KPM).

Në një postim në Facebook, ai ka theksuar se ky veprim dëshmon se Qeveria e Kosovës po synon të pengojë fjalën e lirë dhe t’i kapë mediat.

“Me emërimin e Luljeta Aliut si anëtare në Komisionin e Pavarur për Media, një militante e deklaruar politike e Vetëvendosjes, kjo Qeveri dëshmoi edhe një herë se është në mision për të penguar fjalën e lirë, duke synuar kapjen e mediave”, është shprehur Krasniqi.

Krasniqi ka vlerësuar se mediat duhet të jenë të lira dhe të pavarura si një platformë e rëndësishme jopolitike, e cila mban përgjegjës pushtetin dhe monitoron veprimet qeveritare në raport me ligjin dhe qeverisjen e mirë.

Ai ka shtuar se vetëm pushteti i korruptuar dhe autokratik synon kontrollin politik të mediave dhe institucioneve të pavarura, dhe se kjo sipas tij, po ndodh në vendin tonë që prej ardhjes në pushtet të Qeverisë Kurti.

“Vetëm një pushtet i korruptuar dhe autokrat synon kontrollin politik të mediave dhe të institucioneve të pavarura e fatkeqësisht kjo po ndodh tash e dy vjet në vendin tonë”, ka shkruar tutje ai.

Krasniqi ka përfunduar deklaratën e tij me thirrjen “Larg duart nga mediat!”

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika