Kreu i Partisë Demokratike të Kosovës [PDK], Memli Krasniqi ka deklaruar se aktualisht PDK është prezent në Kuvendin e Kosovës për zhbllokimin e situatës aktuale të Kuvendit.
“Ne kemi ardhur për zhbllokimin e Kuvendit. Kemi ardhur për mundësinë e betimit të deputetëve dhe zgjedhjes së kryetarit dhe nënkryetarit të Kuvendit. Sepse u miratu propozimi i PDK-së për zhbllokimin e kuvendit”, tha Krasniqi.
Krasniqi deklaroi se propozimi i PDK për dorëheqjen e kabinetit qeveritar është miratuar gjatë takimit të Komisionit për Verifikimin e Mandateve të deputetëve.
“Komisioni u mbledh prapë. Kërkesa dhe rekomandimi I përfaqësuesit të PDK-së, Përparim Gruda iu është pranuar dhe do të evidentohet se Kryeministri dhe së ministrave, të japin dorëheqje individualisht. Duke marrë shembull edhe praktika të mëhershme. Ka ndryshime legale të situates për procesim tutje të votimit të raportit as hoc të verifikimit të mandateve dhe mundësimin e betimeve të deputetëve. Dorëheqjet janë evidentuar saktësisht”, tha ai.