Krasniqi fton qeverinë të mblidhet për ndarjen e fondeve dhe t’u përgjigjet nevojave të qytetarëve

Kryetari i Partisë Demokratike të Kosovës (PDK), Memli Krasniqi, ka thënë se qeveria e Kosovës duhet të reagojë sa më shpejt dhe të marrë vendimin për ndarjen e fondeve për komunat që janë prekur nga vërshimet

Kryetari i Partisë Demokratike të Kosovës (PDK), Memli Krasniqi, pas vërshimeve të ndodhura në dy ditët e fundit, pasojat e të cilave ishin të shumta te qytetarët, ka adresuar një ftesë te qeveria e Republikës së Kosovës.

Krasniqi ka kërkuar që qeveria të marrë përgjegjësinë e saj menjëherë, duke këshilluar që të mblidhet për të marrë vendimin për ndarjen e fondeve financiare emergjente për komunat e prekura nga vërshimet.

“Përkundër se komunat janë në krye të detyrës, kjo barrë është më e madhe sesa që ato mund ta përballojnë. Andaj, ftoj Qeverinë e Kosovës që të mblidhet me urgjencë, sa më parë, dhe të marrë vendim për të ndarë fonde financiare emergjente për komunat e prekura, si dhe t’iu përgjigjet përmbushjes së nevojave të tyre, për sanimin e gjendjes dhe strehimin sa më të shpejtë të njerëzve në shtëpitë e veta”

“Shembulli i qytetarëve në solidaritet me njëri-tjetrin është frymëzues, por koha kërkon veprim me përgjegjësi institucionale e shtetërore. Qeveria duhet të marrë përgjegjësinë e saj, sot dhe menjëherë”, ka shkruar Krasniqi në llogarinë e tij në Facebook.

Ndërsa, ka theksuar se gjendja e vendeve të prekura nga vërshimet si Skenderaj, Mitrovicë, Istog, Podujevë e Klinë vazhdon të jetë jashtëzakonisht e rëndë.

“Gjendja e vendbanimeve të prekura nga vërshimet në Skënderaj, Mitrovicë e Istog, si dhe Podujevë e Klinë, po vazhdon të jetë jashtëzakonisht e rëndë. Banorët e atyre zonave po përballën me vështirësi të mëdha, përfshirë mungesën e strehimit. Shtëpitë e dëmtuara e të pabanueshme, dëmet ekonomike dhe shkëputja totale nga normaliteti, e kanë bërë situatën emergjente dhe për këtë kërkohet reagim i shpejtë”, ka theksuar tutje Krasniqi.

Ndër të tjera, Krasniqi ka bërë të ditur se ka banorë të zonave që janë prekur nga vërshimet që kanë mbetur pa strehim dhe për këtë sipas tij kërkohet reagim i shpejtë qeveritar.

Shija e redaktorit

Libraria “Dukagjini” fiton çmimin FIDES 2022 për kontributin korporativ

Libraria "Dukagjini" ka marrë të mërkurën e 18 janarit çmimin FIDES 2022 për kontribut korporativ. Ky çmim librarisë "Dukagjini", ju dha për kontributin e vazhdushëm...

Libraria Dukagjini vjen me “BookFest” në Albi Mall

Libraria “Dukagjini” dhe “Albi Mall” kanë bashkuar forcat për një superfestë të librit, me shumë aktivitete e superatmosferë. Për dhjetë ditë me BookFest-in e librarisë...

Arti dhe kultura janë letërnjoftim nacional

Selman Jusufi, i cili ka studiuar Artin dramatik në Universitetin e Prishtinës, nga viti 1973 deri më 1985, ka qenë i angazhuar në Teatrin...

Më të lexuarat

Kush ishte Nysret Cena, 48-vjeçari që u vra në Kaçanik?

Personi që ka mbetur i vrarë në mbrëmjen e së hënës në Kaçanik mësohet se është Nysret Cena. Nysret Cena ishte pjesëtar i Ushtrisë Çlirimtare...

Lajçak ‘befason” thotë se me Kurtin kanë rënë dakord që...

I dërguari i posaçëm i Bashkimit Evropian për dialogun Miroslav Lajçak, ka njoftuar nëpërmjet rrjetit të tij social se është në Kosovë, për të...

Qytetari tregon si i mbeti kamioni në barikada, tregon se...

Një qytetar ka treguar se si i ka mbetur kamioni në barrikadat e vendosura në Veri të Mitrovicës. Ai thotë se i maskuari, duke...

Të fundit nga rubrika