Kryetari i Partisë Demokratike të Kosovës, Memli Krasniqi, ka vizituar familjen e komandant Ilaz Kodrës, në kullën e tij në Prekaz, me rastin e 24-vjetorit të rënies së tij heroike.
Kështu ka bërë të ditur vetë Krasniqi, përmes një postimi në Facebook, ku ka thënë se ai, bashkë me mijëra djem e vajza të UÇK-së, që u flijuan për liri, janë themeli mbi të cilin qëndron liria jonë dhe shteti ynë i pavarur dhe sovran.
“Ilaz Kodra ishte ndër të parët, që bashkë me Komandantin Legjendar Adem Jashari e shokët e tyre të idealit, i dhanë jetë Ushtrisë Çlirimtare të Kosovës”.
“Familja Kodra, Prekazi, Kosova, shqiptarët gjithandej nëpër botë – do të jenë përjetësisht krenarë me komandant Ilaz Kodrën”, shkroi Krasniqi.