Ministri i Pushtetit dhe Administrimit Lokal, Elbert Krasniqi, ka bërë të ditur se në komunën e Leposaviqit, në kabinetin e kryetarit Lulzim Hetemi, janë bashkuar katër anëtarë të komunitetit serb në Kosovë.
“Nga sot, Violeta Sakic, Nikola Radomirovic, Nenad Radosavljevic dhe Miroslav Minic do të jenë pjesë e kabinetit të kryetarit Hetemi. Bashkëpunimi me komunat do të vazhdojë, përkrahja nga Qeveria nuk do të mungojë”, ka shkruar Krasniqi në Facebook.
Tutje, Krasniqi tha se për këto emërime e ka njoftuar ministrin për Komunitete dhe Kthim, Nenad Rashiq.