Kryetari i Partisë Demokratike të Kosovës, Memli Krasniqi, ka komentuar pas takimit të thirrur nga kryeministri në detyrë, Albin Kurti, me liderët e partive politike për tejkalimin e ngërçit institucional. Krasniqi tha se Kurti vazhdoi të mbrojë veprimet e veta dhe të deputetëve të tij, duke iu referuar një interpretimi të pazakontë të vendimit të Gjykatës Kushtetuese.
“Z. Kurti kishte një interpretim të çuditshëm të aktgjykimit,” deklaroi Krasniqi. Ai shtoi se, sipas këtij interpretimi, Kurti mendonte që nuk ka asnjë problem as me propozimin arbitrar të kryesuesit për komisionin që kërkon votimin e fshehtë, e as me mënyrën si është mbajtur seanca. Sipas PDK-së, ky qëndrim i Kurtit tregon mungesë serioziteti për të respektuar vendimet kushtetuese.