Qeveria e Kosovës shpall interes publik për ndërtimin e një rezidence, që do t’u shërbejë personave me autizëm e sindromën down dhe aftësi të tjera të kufizuara.

Kësisoj, nga qeveria, me qëllim të realizimit të interesit publik, sipërfaqet kadastrale iu dhanë shoqatës “Jetimat e Ballkanit” për ndërtimin e këtij kompleksi.

Cenë Krasniqi, nga shoqata “Autizmi”, thotë se ndërtimi i një rezidence të tillë është i nevojshëm.

“Kjo është e domosdoshme, është iniciativë e kahershme që ka fillu me marrë formën e vet të realizimit, është nevojë e madhe që Kosova ta ketë një qendër të tillë,” tha Krasniqi në emisionin “Rreth e Rrotull”.

Teksa shpresë ka që kjo do të realizohet sa më shpejt.

Në anën tjetër, psikologia Arlinda Gashi thotë se një qendër rezidenciale do të sjellë efekte pozitive.

Psikologia Arlinda Gashi

“Një qendër rezidenciale i ka efektet e mira, po flasim për personat që kanë nevojë për përkujdesje gjatë gjithë ditës, ku kjo për familjarët mund të jetë e vështirë për ta,” tha Gashi.