Kryetari i Partisë Demokratike të Kosovës(PDK), Memli Krasniqi, i ka përkujtuar heronjtë Zahir Pajaziti, Hakif Zejnullahu dhe Edmond Hoxha, në 26-vjetorin e rënies së tyre.
Kreu i PDK-së ka thënë se Pajaziti, Zenjullahu dhe Hoxha ishin “tre trima, tre luftëtarë”, të cilët i kanë frymëzuar brezat pasues të çlirimtarëve në përmbushjen e misionit të popullit për liri e pavarësi.
“Zahir Pajaziti, Hakif Zejnullahu dhe Edmond Hoxha – tre trima, tre luftëtarë të orëve të para të Ushtrisë Çlirimtare të Kosovës, tre heronj të Kosovës, të cilët u flijuan 26 vite më parë, frymëzuan brezat pasues të çlirimtarëve në përmbushjen e misionit të popullit tonë për liri e pavarësi”, ka shkruar Krasniqi.
“Sot, me nderimet më të thella kujtojmë veprën dhe sakrificën e Zahirit, Hakifit e Edmondit, figurave më emblematike të historisë së vendit tonë”, ka shtuar tutje i pari i PDK-së, Memli Krasniqi.