Kryetrari i Partisë Demokratike të Kosovës (PDK), Memli Krasniqi, ka reaguar pas publikimit të nëntë pikave të planit franko-gjerman, ku ka thënë se ai nuk beson se ai është drafti i vërtetë por, është vetëm një spekulimi i cili është duke qarkulluar që një kohë në opinionin publike.
“Publikimet që i kam parë nuk besoj që janë vërtet plani franko-gjerman andaj, janë në vazhdën e spekulimeve që kanë qarkulluar tash e sa javë”.
Më tej Krasniqi, është shprehur i shqetësuar për situatën në Veri të Kosovës dhe pasi sipas tij “ka një potencial për përshkallëzim të situatës”.
“Është obligim i qeverisë ta trajtojë këtë gjendje dhe të koordinohet me partnerë ndërkombëtar dhe në radhë të parë me ShBA-të për të rivendosur rendin publik dhe sovranitetin. Do të ishte e pafalshme që krejt ai progres që është arritur në integrimin e komunitetit serb në institucione duke përfshirë policinë e gjyqësorin të zhbëhet kaq shpejt”, ka thënë Krasniqi për EO, transmeton Portali Dukagjini.
Sipas tij, Qeveria e Kosovës, nuk ka një plan se si do trajtojë këtë situatë.
Ai ka bërë thirrje që Qeveria të fokusohet në gjetjen e zgjidhjeve që nuk e rrezikojnë përkeqësimin e situatës në veri dhe të gjejnë mënyra për të bashkëpunuar që ta ruajnë sovranitetin Republikës së Kosovës.