Krasniqi: Shqiptarët e burgosur në Burgun e Dubravës ishin cak i masakrimit mizor nga forcat kriminale serbe

Kreu i PDK-së ka potencuar se kjo masakër e të gjitha krimet e tjera të kryera ndaj popullit të Kosovës, dëshmojnë gjenocidin e planifikuar serb mbi popullatën shqiptare

Kryetari i Partisë Demokratike të Kosovës, Memli Krasniqi, ka përkujtuar 117 të burgosurit shqiptarë në Burgun e Dubravës me rastin e 24-vjetorit të vrasjes së tyre.

Me anë të një postimi në Facebook, Krasniqi ka thënë se ata ishin cak i masakrimit mizor dhe torturave çnjerëzore të forcave kriminale serbe

“Nga 19 deri më 24 maj të vitit 1999, shqiptarët e burgosur në Burgun e Dubravës ishin cak i masakrimit mizor dhe torturave çnjerëzore të forcave kriminale serbe. Sot, 24 vite pas, me dhembje kujtojmë 117 të burgosur shqiptarë që u vranë pamëshirshëm në këtë masakër dhe nderojmë të gjithë të burgosurit tjerë, krahas rreth 200 të plagosurve, që patën fatin të mbijetojnë për të treguar e dëshmuar tmerrin e këtij krimi”, shkroi Krasniqi.

Kreu i PDK-së ka potencuar se kjo masakër e të gjitha krimet e tjera të kryera ndaj popullit të Kosovës, dëshmojnë gjenocidin e planifikuar serb mbi popullatën shqiptare.

“Më e pakta që mund të bëhet është që kriminelët të dalin para drejtësisë dhe të marrin dënimin e merituar. Lavdi e përjetshme për viktimat e masakrës në Burgun e Dubravës”, shtoi ai.

Shija e redaktorit

Dukagjini Resort – Ky është projekti përrallor 80 milionësh që...

Një projekt përrallor ka nisur të realizohet në Shëngjin. Ai po realizohet nga Dukagjini Resort, ku plani fillestar është për ndërtimin e disa objekteve e...

EURO DUELI – Nisja e aventurës futbollistike në TV Dukagjini

Sonte ka nisur emisioni “Euro Dueli” në TV Dukagjini, emision kushtuar Kampionatit Evropian. Analiza të detajuara, debate interesante, show, do t’i përcjellin shikuesit përgjatë një...

Parada e Çlirimit, FSK e Policia parakalojnë në Prishtinë

Pasardhëse e UÇK-së, e ushtria e shtetit të pavarur të Kosovës nuk kishte si të niste sot parakalimin në 25 vjetorin e çlirimit pos...

Të fundit nga rubrika