Krasniqi: Të bëhen hetime serioze ndaj ambasadorit Martin Berishaj, shkarkimi i tij s’mjafton më

Kryetari i Partisë Demokratike të Kosovës, Memli Krasniqi, ka thënë se Qeveria aktuale nuk po ka guxim ta trajtojë një “virus helmues për shtetin”

Memli Krasniqi, gjatë seancës të së enjtes në Kuvendin e Kosovës ka deklaruar se projektligji për tërheqjen e mjeteve nga Trusti është i domosdoshëm

Kryetari i Partisë Demokratike të Kosovës, Memli Krasniqi, teksa ka folur në lidhje me rastin e ambasadorit të Kosovës në Kroaci, Martin Berishaj, ka kërkuar që të bëhen hetime serioze dhe ambasadori Berishaj të vihet para drejtësisë.

Në fjalën e tij para deputetëve në kuvend, Krasniqi është shprehur se tani është vonë dhe se shkarkimi i tij nuk mjafton më.

“Tashmë është vonë dhe shkarkimi i ambasadorit Berishaj më nuk mjafton, duket të bëhen hetime serioze e t’iu jepet përgjigje këtyre pyetjeve. Martin Berishaj duhet të sillet para drejtësisë dhe kushdo që është në këtë piramidë”, është shprehur ai.

Krasniqi ka theksuar se ka disa muaj që qeveria aktuale nuk po ka guxim ta trajtojë një “virus helmues për shtetin”.

Sipas tij, ka regres dhe degradim prej secilit sektor.

“Më 21 prill të vitit të kaluar, mediat sllovene raportuan për skandalin e madh financiar në të cilin ishte përfshirë ambasadori i Kosovës në Kroaci, Martin Berishaj, që fiks 273 ditë dy gjëra diametralisht të kundërta e kanë karakterizuar këtë skandal. E para për nëntë muaj, raportimet për aferën Martin Berishaj kanë ardhur duke u shtuar, faktet duke u zbuluar, akuzat duke u ngritur e dyshimet duke gjetur rrugë deri te kryeministri Albin Kurti e Lëvizja Vetëvendosje”.

“E dyta reagimi institucional nga kryeministri, presidentja, e ministrja e Punëve të Jashtme, shpërputhja me zhvillimet dhe seriozitetin e këtij rasti, kanë ardhur duke u zvogëluar, duke tentuar që përmes heshtjes, mostransparencës dhe papërgjegjësisë ta heshtin, fshehin apo ta tejkalojnë këtë situatë. Por, po gabojnë aq shumë sa vetëm po e konfirmojnë se edhe vetë janë të përfshirë”, ka thënë kreu i PDK-së.

Siç thotë Krasniqi “ky skandal i madh korrupsioni, jo vetëm që ka dëmtuar reputacionin e diplomacisë dhe shtetit tonë, por kjo shkon edhe më tej”.

“Kryeministri duhet të vijë këtu e t’u përgjigjet disa pyetjeve. Çka po e ndal kryeministrin Kurti, a po e ndal Martini vetë?”, shtoi ai.

Shija e redaktorit

Albina Kelmendi dhe familja do të performojnë në natën e...

Shqipëria e cila këtë vit prezantohet nga Albina Kelmendi me familje me këngën “Duje”, do të performojnë në natën e dytë gjysmëfinale, më 11...

Komuna e Prishtinës publikon çmimet e reja për trafikun urban

Komuna e Prishtinës në kuadër të Marrëveshjes së Kredisë mes Trafiku Urban Prishtinë dhe Bankës Evropiane për Rindërtim dhe Zhvillim (BERZh), me qëllim të...

Libraria “Dukagjini” fiton çmimin FIDES 2022 për kontributin korporativ

Libraria "Dukagjini" ka marrë të mërkurën e 18 janarit çmimin FIDES 2022 për kontribut korporativ. Ky çmim librarisë "Dukagjini", ju dha për kontributin e vazhdushëm...

Më të lexuarat

Në Kuvendin e Serbisë kërkohet mbyllja e kufijve për kosovarët që...

Slavisha Ristiq, anëtari i Komisionit Parlamentar për Kosovën në Kuvendin e Serbisë, ka kërkuar që të mos u lejohet hyrja në Serbi, kosovarëve që...

WhatsApp lëshon përditësimin e ri  për t’i lejuar njerëzit të...

WhatsApp ka lansuar një përditësim të madh të ri për t'i lejuar njerëzit të bisedojnë edhe në mes të mbylljeve të internetit. WhatsApp ka lansuar...

IKD: Shteti ka dështuar në rastin “Kobra”

Instituti i Kosovës për Drejtësi ka thënë se rasti “Kobra” paraqet një shembull të dështimit të sistemit të drejtësisë, i cili, sipas tyre, ka...

Të fundit nga rubrika