Kryetari i Partisë Demokratike të Kosovës (PDK), Memli Krasniqi, ka uruar veteranët me rastin e Ditës së Veteranit.
“Atyre, për të cilët dashuria për Atdheun ishte më e shenjtë sesa vet jeta – urime Dita e Veteranit! Mirënjohës – sot e përjetësisht!”, ka shkruar Krasniqi në Facebook.
Ndryshe, Dita e Veteranit shënohet më 30 dhjetor, për të përkujtuar sakrificën, angazhimin dhe kontributin e veteranëve për sjelljen e lirisë dhe pavarësisë për popullin e Kosovës.
Shënimi i kësaj dite është rregulluar sipas Ligjit për veteranët e luftës së UÇK-së.