Kremlini mohon përçarjet midis ushtrisë dhe mercenarëve të Vagnerit

Zëdhënësi i Kremlinit, Dmitry Peskov

Kremlini mohoi tensionet midis ushtrisë ruse dhe forcave mercenare të Vagnerit, pas pretendimeve për fitore në fushëbetejë në Ukrainë.

Zëdhënësi i Kremlinit, Dmitry Peskov, më 16 janar sugjeroi se ky konflikt është shpikur nga gazetarët dhe blogerët ushtarakë.

“Kjo kryesisht është produkt i manipulimit të informacionit”, ka thënë Peskov për gazetarët, shkruan REL.

“Që të gjithë ata po luftojnë për atdheun e tyre”, shtoi Peskov, duke iu referuar ushtrisë dhe Vagnerit.

Grupi i mercenarëve Vagner është themeluar nga biznesmeni i lidhur me Kremlinin, Yevgeny Prigozhin.

Peskov shtoi se Rusia i njeh “të gjithë heronjtë”.

“Rusia i njeh të gjithë heronjtë që po shërbejnë për forcat tona të armatosura…dhe heronjtë nga Vagneri”, theksoi ai.

Informacionet se ka rivalitet midis forcave të rregullta dhe grupit, janë intensifikuar pasi Prigozhin javën e kaluar insistoi se luftëtarët e tij kishin marrë kontrollin e qytetit të minierave Soledar, i cili gjendet në lindje të Ukrainës.

Ai kritikoi përpjekjet për “marrjen e fitores” nga Vagneri.

Prigozhin njoftoi për marrjen e Soledarit më 11 janar.

Por, Ministria e Mbrojtjes e Rusisë shpejt hodhi poshtë pretendimet e Prigozhinit dhe shpalli “çlirimin” e qytetit dy ditë më pas.

Megjithatë, në një pranim të pazakontë të forcave private, Ministria ruse e Mbrojtjes, më 13 janar, tha se mercenarët e Vagnerit ishin “të guximshëm”.

Grupi i mercenarëve Vagner është themeluar më 2014, dhe mercenarët e këtij grupi kanë marrë pjesë në konflikte në Afrikë, Amerikë Latine dhe Lindje të Mesme. Megjithatë, ky grup u bë më i famshëm pas nisjes së pushtimit rus të Ukrainës, më 24 shkurt 2022.

Shija e redaktorit

Dukagjini Resort – Ky është projekti përrallor 80 milionësh që...

Një projekt përrallor ka nisur të realizohet në Shëngjin. Ai po realizohet nga Dukagjini Resort, ku plani fillestar është për ndërtimin e disa objekteve e...

EURO DUELI – Nisja e aventurës futbollistike në TV Dukagjini

Sonte ka nisur emisioni “Euro Dueli” në TV Dukagjini, emision kushtuar Kampionatit Evropian. Analiza të detajuara, debate interesante, show, do t’i përcjellin shikuesit përgjatë një...

Parada e Çlirimit, FSK e Policia parakalojnë në Prishtinë

Pasardhëse e UÇK-së, e ushtria e shtetit të pavarur të Kosovës nuk kishte si të niste sot parakalimin në 25 vjetorin e çlirimit pos...

Të fundit nga rubrika