Kreshnik Uka është shpallur “Ylli i Javës” për xhiron e 28-të në Superligën e Kosovës në futboll.
Anësori i Drenicës ishte vendimtar në përballjen ndaj Llapit, duke realizuar golin e vetëm të ndeshjes që përfundoi me rezultatin 0:1.
Ky gol i siguroi skuadrës së tij tri pikë shumë të rëndësishme në luftën për mbijetesë.
Vlerësimi për më të mirin e javës është bërë nga Komisioni i Veteranëve të Futbollit në kuadër të Federatës së Futbollit të Kosovës.
31-vjeçari ka mohuar zërat se kryesia e Drenicës nuk i ka përmbushur obligimet financiare ndaj futbollistëve.
Kreshnik Uka këtë sezon ka zhvilluar 28 ndeshje në Superligën e Kosovës.
Ai ka realizuar 13 gola dhe ka dhënë katër asistime, duke qenë një nga lojtarët kyç të ekipit të tij.