Kreu i grupit mercenar Wagner, Yevgeniy Prigozhin, ka refuzuar një ofertë për luftëtarët e tij për të shërbyer si njësi në ushtrinë ruse, ka thënë presidenti rus, Vladimir Putin.
Ai ka thënë se përgjigja e Prigozhin ishte “djemtë nuk pajtohen me këtë vendim”, shkruan BBC.
Në intervistën e së enjtes Putin theksoi se 35 komandantë të Wagner, përfshirë Prigozhin, kishin qenë të pranishëm në takimin e Kremlinit më 29 qershor. Duke shtuar se ai u kishte ofruar atyre disa “opsione punësimi”.
“Shumë [luftëtarë të Wagnerit] po tundnin kokën kur po e thosha këtë. Dhe Prigozhin, i cili ishte ulur përballë dhe nuk i pa të gjitha këto, pasi dëgjoi tha: Jo, djemtë nuk janë dakord me këtë vendim”, ka shtuar Putin.