Policia e Kosovës ka arrestuar një shtetas të huaj në Klinë pasi kishte urdhër-arrest ndërkombëtar.
Sipas njoftimit të policisë, i dyshuari ishte në kërkim për një vepër penale të cilën e kishte kryer në Shqipëri.
“Bazuar në urdhër-arrestin ndërkombëtar është arrestuar një i dyshuar shtetas i huaj për një vepër penale të cilën i dyshuari e kishte kryer në Shqipëri”, thuhet në raportin e PK-së.
Me vendim të prokurorit i dyshuari është dërguar në mbajtje.