Hetuesit policorë nga Drejtoria për Hetimin e Krimeve të Luftës po vazhdojnë punën në terren në kuadër të hetimeve për krimet e luftës në Zubin Potok.

Gjatë ditës së shtunë, hetimet janë përqendruar në lokacionin e tretë, ku hetuesit e rastit kanë njoftuar prokuroren Florije Salihu-Shamolli për gjetjet dhe rezultatet e deritanishme të punës në terren.

Autoritetet nuk kanë dhënë ende hollësi të tjera lidhur me natyrën e gjetjeve në këtë lokacion apo nëse gjatë kërkimeve janë hasur mbetje mortore ose prova të tjera që mund të lidhen me krimet e luftës.

Hetimet dhe procedurat e mëtejshme po zhvillohen në bashkëpunim ndërmjet Policisë së Kosovës, Prokurorisë dhe institucioneve të tjera kompetente.

Puna në terren në Zubin Potok është pjesë e hetimeve që synojnë dokumentimin dhe zbardhjen e rasteve të krimeve të luftës dhe identifikimin e provave që mund të ndihmojnë në sqarimin e fatit të viktimave.
/data/user/0/com.samsung.android.app.notes/files/clipdata/clipdata_bodytext_260808_184015_398.sdocx