Kryeimami Jashari: Sulmi ndaj hoxhës është tinëzar dhe brutal, institucionet duhet të reagojnë

Për imamët e Kosovës, Bekim Jashari dhe Osman Musliu, sulmi ndaj hoxhës së fshatit Lupç, Zeqir Berisha, ka qenë tinëzar dhe brutal. Sipas tyre, për këtë sulm duhet të reagojnë institucionet përgjegjëse, pasi është një goditje e rëndë ndaj Bashkësisë Islame të Kosovës

Kryeimami i Podujevës, Bekim Jashari dhe Osman Musliu, imam nga Drenica të ftuar në emisionin "Debat Plus"

“Ky sulm është tinëzar, brutal dhe goditje ndaj institucionit të Bashkësisë Islame të Kosovës”, kështu ka thënë Bekim Jashari, kryeimam i Komunës së Podujevës për sulmin ndaj Hoxhës së Fshatit Lupç, Zeqir Berisha.

Jashari në emisionin “Debat Plus”, ka thënë se për këtë sulm nuk dihen ende se cilat janë arsyet, pasi që Hoxha siç thotë ai, ishte në krye të detyrës së tij duke shkuar në namazin e jacisë.

“Ai u sulmua nga persona të paidentifikuar, janë tre persona të arrestuar, nuk mund të targetojmë askënd”, ka thënë Jashari.

Për Jasharin, ky sulm është një goditje tinëzizisht pas shpine dhe tendencë e një akti të rrezikshëm.

Ai ka thënë se për këtë sulm, dënimin mund ta konkludojnë organet e drejtësisë.

“Për motivet nuk mund të themi diçka konkrete, janë organet e drejtësisë që e kryejnë punën e tyre”, ka shtuar Jashari.

Ai ka thënë  ndër të tjera se Llapi mbetet në vijimësi kundër këtij radikalizmi, siç është shprehur ai “anijet e errëta do të fundosen në Llap”.

Ai ka thënë se Hoxha i Lupçit njëherë ka shërbyer në Vlorë, në Gllamnik, pastaj është transferuar në Lupç.

Ai ka thënë se edhe më herët, Hoxha pasi është ankuar nga këta persona ka bërë përpjekje për të qetësuar situatën, jo të kontribojë në këtë formë për të nxitur dhunë.

Sipas tij, më herët hoxhallarët janë rrahur nga pushtuesit, ndërsa tashmë nga njerëz që pengojnë punën e Xhamisë.

Për Jasharin, imami Berisha ka ndjekur vijën e islamit, prandaj ai i ka uruar Hoxhës shërim të shpejtë, që të kthehet në krye të detyrës.

Ndërsa Osman Musliu, imam nga Drenica, për hoxhën Zeqir Berisha ka thënë se është i ndershëm dhe i sjellshëm, prandaj këtë ngarje e ka quajtur të rëndë, e cila kohëve të fundit, ka shkaktuar frikë edhe te hoxhallarët e tjerë në Podujevë.

Ai ka thënë se situatë të tillë ka pasur edhe personalisht në Xhaminë në të cilën ka shërbyer.

“Asnjëherë nuk kam pasur probleme personale për të cilat jam sulmuar, por vetëm janë munduar të më pengojnë në Xhami”, ka vijuar Musliu.

Musliu ka thënë se këto gjëra negative dhe radikaliste nuk po mbrohen nga Bashkësia Islame e Kosovës dhe nga shteti, prandaj ai ka kërkuar reagim nga ana e instucioneve përgjegjëse për këtë situatë.

Ndryshe, më 22 korrik, menjeherë pas faljes së namazit të Jacisë, Hoxhës së Fshatit Lupç, Zeqir Berisha, disa persona ia zunë rrugën.

E para derës së Xhamisë, ai u rrah brutalisht nga disa persona.

Se si erdhi deri tek kjo ngjarje e rëndë, banorët e fshatit nuk e dinë me saktësi, por prapa kamerës thonë se deri tek ky incident mund të ketë ardhur si pasojë e mënyrës së faljes së namazit.

Madje, Hoxha Zeqir Berisha, edhe më parë ki kishte paraqitur në polici emrat e disa personave të cilët e kishin penguar gjatë kryerjes së punës së tij.

Ndërkohë, pas kësaj ngjarje Polica e Kosovës, ka arrestuar tre vllezër nga i njëjti fshat, si të dyshuar për kryerjen e sulmit.

Emrat e tyre RTV Dukagjini mëson se imami Zeqir Berisha, i kishte denoncuar edhe më herët.

Këtë e kishte konfimuar dhe Kryeimami në Komunën e Podujevës, Bekim Jashari.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika