Një ndër kuzhinierët më me famë në botë shoqëroi fëmijët kosovarë drejt një eksperience të të qenët ndihmësit e tij.
Bëhet fjalë për një ndër kuzhinierit mishaxhi ndër më të mirë në botë, turkun Nusret Gokce, ndërsa ngjarja zuri vend në ishullin Mykonos të Greqisë, përgjatë një darke të pushimeve verore të fëmijëve kosovarë.
Gjersa po bënte atë që di të bëjë më së miri e që është përgatitja e specialiteteve të tij, siç bën në shumë raste, Nysret ftoi fëmijët t’i bashkohen e ndër të parët ishin fëmijët nga Kosova.
Mirëpo, një moment të tillë nuk e shijuan vetëm fëmijët, por edhe 47 milionë njerëz që e ndjekin turkun në Instagram, moment ky që ai e ndau edhe me miqtë e tij në Instagram.
Nusret Gokce njihet si njëri prej kuzhinierëve më të mirë të mishit në botë.
Gatimet e tij kanë arritur deri te futbollistët Lionel Messi, Cristiano Ronaldo e David Beckham si dhe aktorin Leonardo DiCaprio.
Ai u bë një emër i njohur në vitin 2017 përmes një videoje ku tregonte mënyrën sesi po e përgatiste një steak otoman (osman), e cila më pastaj u bë virale. Ai numëron restorantet e tij në shumë pjesë të botës si në Angli, Amerikë, Turqi, Katar e Dubai dhe në vendin ku u takua me kosovarët, në Mykonos.