Kryeministri britanik viziton Zelenskyn në Kiev

Kryeministri britanik Rushi Sunak, ka udhëtuar drejt Ukrainës, për të takuar të shtunën e 19 nëntorit Presidentin ukrainas, Volodymyr Zelensky, në Kiev dhe kjo është vizita e parë e Sunak që nga marrja e detyrës si kryeministër britanik

Ilustrim





Kryeministri britanik Rishi Sunak është takuar me Presidentin e Ukrainës, Volodymyr Zelensky, të shtunën e 19 nëntorit, ka njoftuar BBC-ja.

Kjo është vizita e parë në Kiev e Sunak që nga marrja e detyrës së tij si kryeministër britanik.

Njashtu, një zëdhënës kishte thënë se Sunak kishte udhëtuar në Ukrainë për të takuar Zelenskyn dhe “të konfirmonte mbështetjen e vazhdueshme të Mbretërisë së Bashkuar”, shkruan The Guardian.

Lidhur me takimin mes dy udhëheqësve, Presidenti ukrainas, Volodymyr Zelensky, ka thënë se ai dhe Sunak “diskutuan çështjet më të rëndësishme si për vendet tona ashtu edhe për sigurinë globale”, shkruan The Guardian, transmeton Portali Dukagjini.

“Ne jemi më të fortë dhe do të arrijmë rezultatet e dëshiruara”, ka shtuar Zelensky.

Zoti Sunak ka thënë se ishte “thellësisht përulëse” të ishe në Kiev dhe u zotua se Mbretëria e Bashkuar do të vazhdojë të qëndrojë pranë ukrainasve në luftën e tyre.

Gjatë takimit me Zelensky, ai ka theksuar se Mbretëria e Bashkuar do të sigurojë një paketë të re të madhe të mbrojtjes ajrore për të ndihmuar në mbrojtjen e civilëve ukrainas dhe infrastrukturës kombëtare të vendit nga sulmet ruse.

Vlen të theksohet, se Ukraina ka kërkuar ndihmë nga vendet perëndimore gjatë muajve të fundit pas sulmeve intensive ajrore ruse në Kiev dhe në të gjithë vendin.

Paketa prej 50 milionë £ e ndihmës mbrojtëse përfshin 125 armë kundërajrore dhe teknologji për të luftuar dronët vdekjeprurës të furnizuar nga Irani, duke përfshirë dhjetëra radarë dhe aftësinë e luftës elektronike kundër dronëve. Më pas 1000 raketa të reja kundërajrore të shpallura nga Sekretari i Mbrojtjes i Mbretërisë së Bashkuar Ben Wallace në fillim të këtij muaji.

Kryeministri britanik Sunak, gjithashtu ka shkruar edhe një postim në rrjetin social Twitter, që ka thënë se Britania është mbështetëse e Ukrainës gjatë gjithë rrugës.

“Britania e di se çfarë do të thotë të luftosh për liri. Ne jemi me ju gjatë gjithë rrugës”, ka shkruar Sunak.

 





Shija e redaktorit

Fury mposht Chisoran, mbron titullin botëror të peshave të rënda

Boksieri britanik, Tyson Fury, ka mposhtur Derek Chisoran ​​për të mbrojtur titullin e tij WBC, të peshave të rënda. Meçi ka zgjatuar deri në raundin...

Xhubleta shqiptare në 110- vjetorin e Pavarësisë bëhet pjesë Komitetit...

Ministrja e Kulturës së Shqipërisë, Elva Margariti, përmes një videoje të publikuar në llogarinë zyrtare të Ministrisë së Kulturës në Facebook, ka bërë të...

Me pushkë e me penë – 110 vjet shtet

Gjithçka, nisi më 28 Nëntor të vitit 1443. Në këtë ditë, heroi kombëtar i shqiptarëve, Gjergj Kastrioti, ngriti flamurin e shqiponjës dykrenare mbi Kalanë e...

Më të lexuarat

Kardiologu Çelaj për vdekjen e 17-vjeçarit në fushë: Ne e...

Kardiologu Sulejman Çelaj ka folur për rastin e vdekjes së futbollistit të ‘Trepçës 89, Erion Kajtazi. https://www.dukagjini.com/nderron-jete-ne-fushe-futbollisti-17-vjecar-erion-kajtazi/ Përmes një lidhje direkte në emisionin “Dueli Botëror” në...

Vetëvrasja e Sokol Halili, Policia tregon çfarë gjeti në vendngjarje

I dyshuari për vrasjen e 35-vjeçares shtatzënë ishte vetvrarë të premten, njoftoi Ministri i Brendshëm, Xhelal Sveçla. Raporti 24-orësh i Policisë së Kosovës ka dhënë...

Rrahja e të moshuarës, pritet vendimi i gjykatës për infermieret...

Nën masa të rrepta të sigurisë, e me pranga në duar, ish-infermieret e qendrës për të moshuar “Orenda”, kanë dalur para gjykatës. Pasditën e së...

Të fundit nga rubrika