Kryeministri Kurti, merr letër falënderimi nga Ursula Von Der Leyen dhe Justin Trudeau

Në letër falënderimin e tyre thuhet se nga aktiviteti në përkrahje të Ukrainës janë mbledhur 9.1 miliardë dollarë

Kryeministri i Kosovës, Albin Kurti

Zyra e kryeministrisë së Kosovës, ka njoftuar se kryeministri Albin Kurti ka pranuar një letër falënderimi nga Presidentja e Komisionit Evropian, Ursula Von Der Leyen dhe Kryeministri i Kanadasë, Justin Trudeau, për përfshirjen në aktivitetin e zotimit për ndihmë Ukrainës.

“Duam t’ju falënderojmë ngrohtësisht për kontributin në aktivitetin e zotimit ‘Stand up for Ukraine’, më 9 prill 2022”, thuhet të kenë shkruar në letër Von Der Leyen dhe Trudeau.

Ursula von der Leyen, presidente e Komisionit Evropian

Ata kanë njoftuar se nga ky aktivitet janë mbledhur 9.1 miliardë euro për njerëzit që po ikin nga invazioni i Rusisë, dhe po kërkojnë strehim në Ukrainë dhe jashtë saj.

“Përveç furnizimit me burimet aq shumë të nevojshme për njerëzit e prekur nga invazioni, pjesëmarrja e 40 qeverive dhe institucioneve, ashtu si edhe sektorit privat dhe shoqërisë civile, ka dërguar edhe mesazhin e unitetit dhe solidaritetit me Ukrainën”, kanë shkruar Von der Leyen dhe Trudeau.

Justin Trudeau, kryeministër i Kanadasë

Në fund të letrës sipas njoftimit të kryeministrisë, Von der Leyen dhe Trudeau, kanë thënë se “mobilizimi i fortë i solidaritetit global me Ukrainën dhe popullin e saj do të vazhdojë”.

Shija e redaktorit

Rama takohet me udhëheqësit e Katarit, i fton ata për...

Kryetari i Prishtinës, Përparim Rama ka njoftuar se së bashku me Presidenten e vendit, Vjosa Osmani është duke qëndruar në Katar për një vizitë...

Osmani uron Suedinë pasi iu hap rruga për anëtarësim në...

Presidentja e Kosovës, Vjosa Osmani, ka uruar Suedinë pasi asaj iu hap rruga për anëtarësim në NATO, meqë Hungaria miratoi të hënën kandidaturën e...

Osmani takohet me emirin e Katarit, flasin për trajtimin e...

Presidentja e Kosovës, Vjosa Osmani, është pritur në takim nga emiri i Katarit, Sheikh Tamim Bin Hamad Al Thani, me të cilin ka biseduar...

Të fundit nga rubrika