Kryeministri Albin Kurti, e ka pritur në takim përshëndetës, Koordinatoren për Zhvillim të Kombeve të Bashkuara në Kosovë, Ulrika Richardson, e cila është në përfundim të mandatit të saj.
Sipas Zyrës së Kryeministrit të Kosovës, Kurti e ka falënderuar znj. Richardson për mbështetjen e institucioneve të Kosovës.
“Faleminderit, që jeni mike e vërtetë e popullit tonë”, ka thënë kryeministri Kurti, teksa ka shprehur mirënjohje për bashkëpunimin me institucionet e vendit në ballafaqimin me pandeminë COVID-19.
Në njoftimin e Zyrës së Kryeministrit thuhet se, Richardson ka theksuar bashkëpunimin e shkëlqyer dhe produktiv ndërmjet UNKT-së dhe Qeverisë së Republikës së Kosovës në arritjen e progresit lidhur me Objektivat e Zhvillimit të Qëndrueshëm.
Kryeministri Kurti i uroi znj. Richardson suksese në angazhimet e ardhshme.