Kryeministri i Republikës së Kosovës, Albin Kurti, ka udhëtuar për në Vjenë të Austrisë.
Atje, siç njofton zyra e kryeministrit të Kosovës, Kurti do të marrë pjesë në Samitin e Liderëve të Socialistëve dhe Demokratëve të Ballkanit Perëndimor.
Tutje, tregohet se tema që do të diskutohet në samit është “Zgjerimi i Ballkanit Perëndimor, TANI! Për një shoqëri sociale, demokratike, paqësore”.
Në anën tjetër, zëvendëskryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi, do të udhëtojë për në Bruksel, ku do të zhvillojë takime me funksionarë e zyrtarë të lartë të Parlamentit Evropian, Komisionit Evropian dhe Këshillit Evropian.