Kryeministri i Suedisë, Ulf Kristersson, ka dhënë dorëheqje nga posti, pasi rezultatet zyrtare konfirmuan humbjen e bllokut të tij të krahut të djathtë në zgjedhjet parlamentare të mbajtura të dielën e kaluar.
Katër partitë e krahut të majtë, me Social Demokratët e ish-kryeministres Magdalena Andersson si partia më e madhe, fituan zgjedhjet me një diferencë prej vetëm 50 mijë e 359 votash, sipas numërimit përfundimtar.
Blloku i katër partive të majta do të ketë 176 ulëse në parlamentin e ri, ndërsa koalicioni trepartiak i Kristerssonit, së bashku me Demokratët e Suedisë, pritet të kenë 173 ulëse.
Ky grupim, i njohur si blloku Tidö, përfshin qeverinë aktuale të Kristerssonit dhe Demokratët e Suedisë, parti e krahut të djathtë që pritej t’i bashkohej administratës së re pas zgjedhjeve.