Kryesuesi i OSBE-së: Vazhdimi i dialogut dhe implementimi i marrëveshjeve, kyç për sigurinë rajonale

Kryesuesi i OSBE-së, Ian Borg, ka theksuar nevojën për përparim në dialogun Kosovë-Serbi, duke theksuar rolin e Bashkimit Evropian në ndërmjetësim. Borg ka biseduar me presidenten e Kosovës, Vjosa Osmani për rëndësinë e përkushtimit në dialog dhe zbatimin e marrëveshjeve për të siguruar progresin

Ministri i Punëve të Jashtme, Çështjeve Evropiane dhe Tregtisë të Maltës, njëherësh kryesues i OSBE-së, Ian Borg.

Ministri i Punëve të Jashtme, Çështjeve Evropiane dhe Tregtisë të Maltës, njëherësh kryesues i OSBE-së, Ian Borg ka kërkuar përparim në procesin e dialogut Kosovë – Serbi me ndërmjetësimin e Bashkimit Evropian.

Kryesuesi i OSBE-së ka theksuar se është e nevojshme që të zbatohen Marrëveshja Bazë e Brukselit dhe Aneksi i Ohrit.

Ai ka bërë të ditur se ka takuar presidenten e Kosovës, Vjosa Osmani, me të cilën kanë biseduar për dialogun e lehtësuar nga BE-ja dhe rëndësinë që ka për sigurinë e gjithë rajonit.

“Pata kënaqësinë të takohesha me presidenten Osmani dhe u fokusuam në partneritetin tonë të deritanishëm. Diskutuam edhe rëndësinë e dialogut të lehtësuar nga nga BE, rëndësinë që ka për sigurinë e të gjithë rajonit. Vazhdimi i dialogut dhe implementimi janë kyç, duke ju ripërkushtuar dialogut dhe vazhdimit të zbatimit të marrëveshjeve të arritura është një që që kërkon shumë progres, OSBE qëndron e gatshme që të mbështesë të gjitha përpjekjet. Kemi pasur edhe bashkëbisedim mbi mbrojtjen dhe promovimin e të drejtave të të gjithë komuniteteve, mbete një fushë afatgjate e interesim dhe angazhimit të OSBE-së në Kosovë”, ka deklaruar Borg, transmeton EO.

I pyetur nëse Serbia po e shkel Marrëveshjen e Brukselit me kundërshtimin e anëtarësimit të Kosovës në Këshill të Evropës, Borg ka refuzuar të komentojë duke thënë se “nuk mund të gjykojë”.

“Këshilli i Evropës ka rregulla dhe kur aplikacioni shkon, në mënyrë demokratike Këshilli vendos ku secili anëtar do të votojë në mënyrën që do që t’i paraqesë qëndrimet e veta”, ka thënë ai në një konferencë për media të enjten pasdite.

Borg gjithashtu ka kërkuar që procesi i votimit për shkarkimin e kryetarëve në veri të jetë i drejtë.

Shija e redaktorit

Nora Gjakova fiton medaljen e bronztë në Paris

Nora Gjakova e ka fituar medaljen e argjendtë në Grand Slamin e Parisit, që është e treta nga Franca për Kosovën. Gjakova e fitoi duelin...

Distria e fiton medaljen e bronzt në Grand Slamin e...

Distria Krasniqi ka fituar medaljen e bronztë në Grand Slamin e xhudos që po mbahet në Paris. Xhudistja kosovare fitoi me waz-ari ndaj xhudistet nga...

Shkruan Romeo Çollaku, përkthyesi i romanit “Lugina e lumit Issa”...

Përkthyesi i librit, Romeo Çollaku, ndan me lexuesit historinë e “Lugina e lumit Issa” shkruar nga autori polak Czesław Miłosz. Nga ROMEO ÇOLLAKU Romani Lugina e lumit...

Të fundit nga rubrika