Kryetari i Klubit Demokracia Konservatore, Abdullah Klinaku, ka pranuar një ftesë për të marrë pjesë në Lutjet e Mëngjesit në Shtetet e Bashkuara të Amerikës.
“Këtë vit do të jem pjesë e evenimentit më të madh vjetor që mbahet tradicionalisht në SHBA, në Washington D.C. “National Prayer Breakfast” e njohur si “Lutjet e Mëngjesit” ku marrin pjesë miqtë e Amerikës nga më shumë se 140 vende të botës”, ka shkruar Klinaku.
Më tej, ai ka shkruar duke thënë se “Shtetet e Bashkuara të Amerikës janë shteti mik dhe vendi me ndikimin më të madh në çlirimin dhe formimin e shtetit të Kosovës”.
Sipas tij miqësinë ndërmjet popullit të Kosovës dhe ShBA-ve duhet ta trajtojmë me kujdes e me mirëbesim.
“Populli amerikan prej kësaj vizite disa ditore që kisha në Detroit të Amerikës e ndjeva dhe pash se sa miqësor e sa e do popullin tonë”, ka përfunduar Klinaku.