Deputeti i Malit të Zi, Mehmet Zenka njëherit kryetar i Unionit Demokratik të Shqiptarëve (UDSH) pas votës kundër nga deputeti i Malit të Zi për anëtarësimin e Kosovës në KiE, ka thënë se kjo lëvizje ishte e pritur.
“Duke votuar kundër pranimit të Kosovës në Asamblenë Parlamentare të Këshillit të Evropës, lëvizja e përfaqësuesit tonë ishte e pritur dhe e paralajmëruar paraprakisht,” ka thënë Zenka.
Sipas Zenkës, jo dëshmon se Mali i Zi përfaqësohet nga njerëz për të cilët politika partiake është më e rëndësishme se interesat shtetërore të Malit të Zi.
E votën kundër ai e quan si ndikim rusoserb.
“Sado që retorika e koalicionit “Për të ardhmen e Malit të Zi” filloi të jetë më e butë, megjithatë faktet tregojnë se Mali i Zi gjithnjë e më shumë po bëhet zonë e interesave dhe ndikimit rusoserb.”
Dhe kjo votë për të kundër pranimit në APKE është në frymën e politikës së botës serbe.
Anëtarët e delegacionit të Kosovës konfirmuan se 31 shtete të Këshillit të Evropës votuan pro, katër kundër dhe një abstenoi.
Dy anëtarë të delegacionit serb dhe anëtarë nga Mali i Zi dhe Bosnja e Hercegovina votuan kundër, ndërsa një përfaqësues grek abstenoi.
“Kjo e arsyeton plotësisht refuzimin e Unionit Demokratik të Shqiptarëve që të jemi pjesë e kësaj qeverie ku dominon politika pro serbe,” tha Zenka.
Teksa edhe uroi Kosovën, “Urime Kosovë”.