Kryetarja e Dhomave të Specializuara të Kosovës me seli në Hagë, Ekaterina Trendafilova, do të qëndrojë për vizitë në Prishtinë të martën, më 13 maj.

Gjatë qëndrimit të saj, Trendafilova do të mbajë një konferencë për media që do të zhvillohet nga ora 12:00. Sipas njoftimit zyrtar të shpërndarë për mediat, pjesëmarrja është e kufizuar vetëm për një gazetar nga secili medium, ndërsa nuk do të lejohet prania e kameramanëve.

Transmetimi i konferencës do të bëhet drejtpërdrejt nga vetë Dhomat e Specializuara, të cilat ofrojnë edhe mundësinë e shpërndarjes së lidhjes për transmetim për mediat e interesuara. Organizatorët kanë kërkuar që gazetarët të konfirmohen deri të hënën në mesditë.

Njoftimi i plotë:

Të nderuar redaktorë,

Kam kënaqësinë t’ju ftoj që të dërgoni një gazetar në informimin për median të Kryetares së Dhomave të Specializuara, Ekaterina Trendafilova, më 13 maj në orën 12:00, në hotelin Sheraton, Prishtinë.

Ju lutem të mbërrini 20 minuta më herët, në mënyrë që takimi të fillojë në kohën e paraparë.

Ju lutem vini re se ne mund të akomodojmë vetëm një gazetar nga secili organ i medias. Ju lutem na njoftoni deri të hënën, 12 maj, në orën 12:00, lidhur me gazetarin që dëshironi t’a dërgoni. Vetëm gazetarët në listën e pjesëmarrjes do të lejohen në takim.

Gjithashtu, këtë mesazh po ua percjelli të gjithë gazetarëve që raportojnë rregullisht për Dhomat e Specializuara, në mënyrë që të mund të kërkojnë në mënyrë proaktive lejen nga redaktorët e tyre.

Ju lutem vini re se nuk do të lejohen kamera ose persona të tjerë në këtë takim.

Megjithatë, ne do ta transmetojmë drejtpërdrejt takimin, andaj na njoftoni nëse dëshironi që t’ua dërgojmë lidhjen.

Për çdo pyetje ose informacion shtesë, ju lutem mos hezitoni të më kontaktoni.