Zëdhënësi i qeverisë së Republikës së Kosovës, Përparim Kryeziu, ka demantuar pretendimet kreminlinit se në luftë në mes të Rusisë dhe Ukrainës, ka mercenar nga Kosova
Kryeziu ka thënë se janë propagandë e mediave të Rusi të cilat i ka quajtur të pabaza.
“Ne tashmë i kemi përgënjeshtruar këto pretendime të paqëndrueshme. Është e qartë se kjo është pjesë e propagandës së intensifikuar ruse kundër republikës tonë demokratike, në një tentim për të justifikuar një akt të pajustifikueshëm agresioni kundër popullit të Ukrainës”, është përgjigjur zëdhënësi për “Kossev”.
Zëdhënësi i qeverisë ka theksuar se Kosovës është në përputhej të plotë më politikat e vendeve perëndimorë, sepse sipas tij, Kosova ka qenë e para që i është bashkuar masave restriktuese perëndimore ndaj Federatës Ruse.
Tutje ai treguar se Kosova e ka bërë, “përzemërsisht kur i është bashkuar demokracive perëndimore dhe paqedashëse kundër agresionit të pajustifikuar rus kundër Ukrainës”.
“Ne iu bashkuam BE-së, ShBA-së, MB-së në vendosjen e sanksioneve ndaj Rusisë dhe kemi qëndruar në solidaritet me Ukrainën duke i pritur 20 gazetarë përmes një programi të sponsorizuar nga qeveria, gjashtë prej të cilëve tanimë janë në Prishtinë – dhe jemi zotuar për të pranuar deri në 5 mijë refugjatë ukrainas”, ka thënë mes tjerash zëdhënësi i qeverisë.
Ministri i Jashtme i Rusisë , Sergej Lavrov , nuk është hera e parë që lëshon këso akuzash pasi ka një kohë të gjatë që vazhdon me këso pretendimesh .