Rritja e rasteve me COVID-19 ka shkaktuar shqetësime në Shqipëri.

Komiteti Teknik i Ekspertëve në Shqipëri është mbledhur të mërkurën e 6 korrikut dhe kanë rekomanduar mbajtjen e maskës në ambientet e mbyllura.

Në mbledhje, kryetarja e Komitetit Teknik të Ekspertëve dhe zëvendësministrja e Shëndetësisë, Mira Rakacolli ka bërë apel për vaksinim.

“Rekomandimi për të mbajtur maskën në ambientet e mbyllura, aty ku nuk mund të ruhet edhe distancimi social, sidomos kjo e vlefshme për personat të cilët janë me sëmundje dhe të moshuar”, ka thënë Mira Rakacolli.

Rakacolli ka thënë se vaksinimi është mjeti më efikas i parandalimit të infeksionit dhe ka theksuar se është e nevojshme një shtrëngim i masave.

Në Shqipëri, numri total i rasteve aktive me COVID-19 është 4 mijë e 235.