Trajneri i xhudos, Driton Kuka dhe kampionia olimpike, Majlinda Kelmendi, kanë vizituar dje dhe sot krerët e UÇK-së në Hagë dhe janë shprehur se besojnë fuqishëm në pafajësinë e tyre.
Një gjë e tillë u bë e ditur përmes një postimi nga trajneri Driton Kuka, i cili ka theksuar se kanë biseduar me krerët për ngjarjet historike të popullit.
Njashtu, ai ka shtuar se me krerët e UÇK-së kanë biseduar lidhur me sfidat në sport tash e në të kaluarën.
Tutje, Kuka ka thënë se krerët ishin të fortë, të qëndrueshëm, pozitivë dhe të motivuar për të dalë të pafajshëm nga ky proces.
Ai e quajti si të padrejtë procesin gjyqësor.
“Të fortë, të qëndrueshëm, pozitivë dhe të motivuar për të dalë të pafajshëm, fillimisht ata, e më pas UÇK-ja dhe Republika e Kosovës, nga ky proces i padrejtë gjyqësor”, ka thënë Kuka.
Ndër tjera, Kuka ka bërë të ditur se edhe ai së bashku me kampionen Majlinda Kelmendi e besojnë pafajësinë e krerëve.
“Unë dhe Majlinda, njëjtë si qytetarët e Kosovës, besojmë fuqishëm në pafajësinë e tyre”, ka përfunduar Kuka.