Ministri i Jashtëm ukrainas, Dmytro Kuleba, ka bërë të ditur se është takuar me Sekretarin e Shteteve të Bashkuara të Amerikës (SHBA), Antony Blinken në Berlin, dhe vuri në dukje se më shumë armë dhe ndihma të tjera janë rrugës për në Ukrainë.
Të dielën, në takimin në Berlin, Kuleba do të informojë ministrat e jashtëm të NATO-s mbi situatën në terren në Ukrainë.
Ai ka shkruar në Twitter se kanë rënë dakord të punojnë ngushtë së bashku për të siguruar që eksportet e ushqimit ukrainas të arrijnë te konsumatorët në Afrikë dhe Azi. Ai ka thënë se është mirënjohës ndaj Sekretarit Blinken dhe SHBA-së për udhëheqjen dhe mbështetjen e palëkundur të tyre.
Zëdhënësi i Departamentit të Shtetit të SHBA, Ned Price, ka thënë se Sekretari Blinken dhe Ministri i Jashtëm Kuleba kanë diskutuar për ndikimin e veprimit ushtarak rus në Ukrainë, duke përfshirë sigurinë globale të ushqimit. Price ka thënë se sekretari përcolli detaje në lidhje me këstin e fundit të ndihmës amerikane për sigurinë, për të forcuar mbrojtjen e Ukrainës.
Met @SecBlinken in Berlin. More weapons and other aid is on the way to Ukraine. We agreed to work closely together to ensure that Ukrainian food exports reach consumers in Africa and Asia. Grateful to Secretary Blinken and the U.S. for their leadership and unwavering support. pic.twitter.com/E3oru9jfIJ
— Dmytro Kuleba (@DmytroKuleba) May 15, 2022