Kumnova dorëzon kallëzim penal ndaj Veljko Odalloviqit për krime lufte në Kosovë

Udhëheqësja e shoqatës "Thirrjet e Nënave" ka ngritur akuzë kundër Veljko Odalloviqit dhe kërkon hetimin dhe ndjekjen e tij nga Prokuroria Speciale e Kosovës për përfshirjen në krime të luftës dhe krime kundër njerëzimit

Udhëheqësja e shoqatës “Thirrjet e Nënave”, Nesrete Kumnova.

Nesrete Kumnova, udhëheqësja e shoqatës “Thirrjet e Nënave,” ka dorëzuar një kallëzim penal në Prokurorinë Speciale të Kosovës kundër Veljko Odalloviqit.

Veljko Odalloviqi, i cili gjatë kohës së luftës kishte pozitën e kryetarit të Qarkut të Kosovës dhe aktualisht mban postin e kryetarit të Komisionit të Qeverisë së Serbisë për personat e zhdukur, sipas Kumnovës, akuzohet për kryerjen e veprave penale të krimeve të luftës dhe krimeve kundër njerëzimit.

Kumnova lajmin e ka bërë të ditur në një postim në Facebook dhe ka shprehur bindjen se Odalloviqi duhet të përgjigjet për krimet që janë kryer nga forcat e Serbisë gjatë luftës në Kosovë.

Ajo gjithashtu ka theksuar se duhet të përgjigjet për krimet e luftës e jo të kujdeset për zbardhjen e tyre.

“Veljko Odalloviq, që gjatë luftës në Kosovë ishte kryetar i Qarkut të Kosovës dhe aktualisht mban pozitën e kryetarit të Komisionit të Qeverisë së Serbisë për persona të zhdukur, dyshohet se është i përfshirë dhe mban përgjegjësi komanduese për kryerjen e veprave penale të krimeve të luftës dhe krimeve kundër njerëzimit. Veljko Odaloviq duhet të japë përgjigje për krimet e kryera nga forcat e Serbisë gjatë luftës në Kosovë e jo të mbajë përgjegjësi për zbardhjen e tyre”, ka shkruar ajo.

Postimi i saj në rrjetin social Facebook.

Shija e redaktorit

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Të fundit nga rubrika