“Kur do të reagojnë ashpër ndërkombëtarët?” – Kadiu i numëron shkeljet e Serbisë ndaj Kosovës

Klisman Kadiu këshilltari i zëvendëskryeministrit të Kosovës Besnik Bislimit

Këshilltari i zëvendëskryeministrit Besnik Bislimi, Klisman Kadiu, ka reaguar pas deklaratës së presidentit të Serbisë, Aleksandër Vuçiq, i cili tha se shteti i tij gjithmonë ka qenë konstruktiv dhe konsistent sa i përket stabilitetit në rajon.

Kadiu, i përmendi luftrat dhe masakrat që i ka kryer Serbia ndër vite me disa shtete përfshi edhe Kosovën.

“Luftë me Kroacinë, luftë me Slloveninë, gjenocid e spastrim etnik në Bosnjë e Kosovë, ulje të nivelit të demokracisë, lidhje të ngushta me grupe kriminale, ndërhyrje në punë brendshme në Mal të Zi e Kosovë, mospranim i shtetësisë së Kosovës, baza ushtarake përreth Kosovës, fluturimi i Mig-ave në kufi me Kosovën, ngritja e nivelit të gatishmërisë së ushtrisë serbe disa herë afër kufirit me Kosovën”, ka thënë ai.

Tutje, ai i ka përmendur shkeljet e marrëveshjeve nga Serbia në raport me Kosovën, teksa ka kërkuar nga bashkësia ndërkombëtare të reagojnë.

Shkeljet që i ka përmendur Kadiu, janë:

  1. Shuarjen e strukturave paralele ilegale
  2. Mosndërhyrje në punët e brendshme të Kosovës
  3. Të mos e pengojë apo inkurajojë palë të treta që ta pengojnë rrugëtimin e Kosovës drejt integrimeve evropiane.
  4. marrëveshjen për menaxhimin e integruar të kufirit;
  5. marrëveshja për vulat doganore; 6. marrëveshja për njohjen reciproke të diplomave,
  6. marrëveshja për zhbllokimin e linjave të interkonjeksionit,
  7. marrëveshja për energjinë,
  8. pjesë të marrëveshjes për telekomin; 10. marrveshja për vendosjen e zyreve ndërlidhëse;
  9. marrëveshja për certifikatat fitosanitare
  10. Dëftimet e premtimet e panumërta, që Serbia nuk do ta njohë kurrë pavarësinë e Republikës së Kosovës
  11. Vota e Serbisë kundër aplikimit të Republikës së Kosovës në Këshillin e Evropës
  12. Lobimi i vazhdueshëm që Serbia dhe misionarët e saj e bëjnë kundër anetarësimit të Kosovës në organizata ndërkombëtare.
  13. fushatat për çnjohjen e Republikës së Kosovës

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika