Kur duhet ta ndërroni baterinë e iPhone-it tuaj?

A keni menduar ndonjëherë se kur duhet ta ndërroni baterinë e iPhone-it tuaj?

Shpeshherë, njerëzit shprehen të mllefosur kur bateria e tyre harxhohet më shpejt sesa ata kanë parashikuar, ose mund të ndodhë që telefoni i tyre të ndalet papritur pa ndonjë shpjegim, ndonëse para pak çastesh karikimi ishte me përqindje të lartë.

Përdoruesit e iPhone-it e kanë mundësinë të kontrollojnë shëndetin e baterisë së tyre përmes opsioneve që ofron sistemi operativ iOS.

Për ta shikuar shëndetin e baterisë së iPhone-it tuaj, hapni fillimisht aplikacionin e “Settings”, pastaj shkoni tek opsioni “Battery”, pasi të keni prekur këtë buton shkoni tek funksioni tjetër “Battery Health & Charging”; pasi të keni ndjekur këto hapa, kapaciteti aktual i baterisë tuaj do t’ju shfaqet në krye të dritares së re.

Kur duhet ta ndërroni baterinë e iPhone-it tuaj?

Sipas 9To5Mac, kur bateria e telefonit tuaj të bjerë nën 80 për qind të kapacitetit të saj origjinal, mund të mendoni për zëvendësim të baterisë.

Ju duhet ta bëni këtë edhe nëse shihni një paralajmërim për degradimin e baterisë ose kur bateria nuk mbushet.

Në seksionin “Battery Health & Charging”, mund t’ju shfaqet paralajmërimi nëse shëndeti i baterisë është i degraduar dhe po u shkakton probleme sikurse ndalja e papritur e telefonit ose kur nuk shfaqet opsioni për kapacitetin kulminant.

Apple thotë se bateritë e iPhone-it janë “të dizajnuara të ruajnë 80 për qind të kapacitetit origjinal në 500 cikle të plota ngarkimi kur funksionojnë në kushte normale”.

Kur një bateri e iPhone-it bie nën 80 për qind të kapacitetit të saj origjinal, një veçori e quajtur “menaxhimi i performancës” mund të zbatohet automatikisht. Kjo funksionon për të ndihmuar në parandalimin e ndaljes së papritur të telefonave.

Shija e redaktorit

Nga sot shqiptarët udhëtojnë pa viza drejt Azerbajxhanit

Nga dita e sotme qytetarët e Shqipërisë me pasaporta të rregullta mund të udhëtojnë pa viza drejt Azerbajxhanit. Ambasadori i Azerbajxhanit në Shqipëri, Anar Huseynov...

Tre oficerë të FSK-së diplomojnë në Kolegjin CGSC të ushtrisë...

Oficerët e Forcës së Sigurisë së Kosovës(FSK), majorët Alban Bunjaku, Agron Murati dhe Alban Bujupi, pas studimeve njëvjeçare, diplomuan me sukses të lartë në...

Peja dhe Ulqini nënshkruajnë marrëveshjen e binjakëzimit si qytete

Kryetari i Pejës, Gazmend Muhaxheri ka pasur një mysafir të veçantë në zyrën e tij të shtunën. Ai priti me nderime kryetarin e Ulqinit, Genc...

Të fundit nga rubrika