Kurti: 22 maji është përkujtimi i rrugës sonë për drejtësi

Kryeministri Albin Kurti ka thënë se civilët shqiptarë u plaçkitën dhe torturuan, u arrestuan e plagosën, ndërsa shtëpitë e tyre u dogjën

Kryeministri i Kosovës, Albin Kurti, ku përkujtuar 22 majin, datë kjo që korrespondon me atë të vitit 1999, ku forcat e Serbisë dëbuan nga shtëpitë e tyre me mijëra banorë të Vushtrrisë, në lagjet te varrezat e qytetit.

Me anë të një postimi në Facebook, Kurti ka thënë se civilët shqiptarë u plaçkitën dhe torturuan, u arrestuan e plagosën, ndërsa shtëpitë e tyre u dogjën.

“Mijëra burra të grumbulluar me dhunë u dërguan në palestrën sportive, ku vazhduan të maltretohen. Gjatë kësaj dite, nga forcat e Serbisë u vranë dhe u zhdukën 68 shqiptarë.  Trupat e tyre u kthyen në vendlindje në periudha të ndryshme ndërmjet viteve 2003 – 2012”, shkroi Kurti.

Sipas kreut të ekzekutivit, në përpjekje të zhdukjes së krimeve, ata ishin dërguar me kamionë në varreza masive në Serbi.

“67 trupa të të vrarëve në Vushtrri u gjenden në varrezën masive në Batajnicë të Beogradit. Viktima më e re ishte 15 vjeç, ndërsa më e vjetra 71 vjeç”.

“22 Maji” është emërtimi i rrugës ku forcat serbe kryen shumë nga vrasjet atë ditë.

“22 maji është përkujtimi i rrugës sonë për drejtësi. Lavdi martirëve dhe dëshmorëve të lirisë! I përjetshëm qoftë kujtimi për ta”, shtoi Kurti.

Shija e redaktorit

Parada e Çlirimit, FSK e Policia parakalojnë në Prishtinë

Pasardhëse e UÇK-së, e ushtria e shtetit të pavarur të Kosovës nuk kishte si të niste sot parakalimin në 25 vjetorin e çlirimit pos...

Ditët e para të çlirimit, rrëfim nga ish-zyrtari për informim...

Për ditë me radhë në territorin e Maqedonisë, ushtarët e NATO-s stërviteshin për përballjen me forcat serbe në Kosovë. Më 10 qershor në Kumanovë, Serbia...

Botim i ri edukativ – “Shprehi të mira, fëmijë të...

Në kuadër të lëndës me zgjedhje “Edukimi për shëndetin”, klasat e dyta, nga viti shkollor 2024/25, do të kenë në bankat shkollore librin "Shprehi...

Të fundit nga rubrika