Kurti: Armatosja e Serbisë tregon për frikën e saj

Kryeministri i Kosovës, Albin Kurti

Kryeministri i Kosovës, Albin Kurti, është deklaruar të martën në lidhje me furnizimin e Serbisë me armë nga Kina.

Në një konferencë për media, Kurti, tha se këto veprime të shtetit serb janë të rrezikshme për rajonin, por që sipas tij kjo tregon edhe për frikën e tyre.

“Serbia më duket se ndodhet në një lloj paniku kur po e vëren se nuk mund të qëndrojë në 3-4 ulëse njëkohësisht më. Po përpiqet të forcohet për vete sepse ndoshta mund të ngelet e vetmuar”.

“Armatosja e vazhdueshme e Serbisë s’është e parrezikshme për rajonin dhe Kosovën, por në anën tjetër, është shprehje e frikës së tyre, se mund të ngelin të vetmuar atëherë kur po duket që s’mund të qëndrojnë në disa karrige siç janë mësuar”, tha kryeministri.

Kryeministri i Kosovës, Albin Kurti dhe ministri i Financave, Punës dhe Transfereve, Hekuran Murati

 

Kurti: Të kujdesshëm por jo të frikësuar

Kryeministri Kurti tutje ka thënë se është i brengosur për veprimet e Serisë, porse nuk duhet të frikësohemi, sepse sipas tij e kemi NATO-n brenda shtetit tonë.

“Jemi të brengosur, jemi të kujdesshëm, mirëpo nuk frikësohemi. E dimë që i kanë 44 baza ushtarake rrotull kufirit me Kosovën, që është kufiri më i gjatë, dhe rrotull i kanë 42 baza ushtarake ofensive”.

“Por pavarësisht kësaj, ndonëse ne nuk jemi në NATO, NATO është tek ne. Kosova dhe NATO janë pjesë të historisë së njëra-tjetrës, të tashmes së njëra-tjetrës dhe të së ardhmes. Me investimet që po bëjmë me bashkëpunimin me aleatët tanë, besoj që edhe territori edhe shteti edhe qytetarët janë të sigurt”, është shpreh Kurti.

I pari i qeverisë tutje ka përmendur rritjen e buxhetit për Forcën e Sigurisë së Kosovës (FSK) siç tha për ta avancuar ushtrinë e vendit.

Vuçiq: Serbia po planifikon t’i blejë 12 avionë francez Rafale

Shija e redaktorit

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Të fundit nga rubrika