Kryeministri i Kosovës, Albin Kurti, ka pasur një bisedë telefonike me të dërguarin e Posaçëm të Mbretërisë së Bashkuar për Ballkanin Perëndimor, Lord Stuart Peach.
“Folën për çështjet aktuale, duke përfshirë marrëdhëniet e Kosovës me Serbinë dhe takimin e radhës të nivelit të lartë të dialogut më 14 shtator në Bruksel”, njofton Kryeministria.
Në njoftim thuhet se është theksuar nevoja për zbatimin e shpejt, të plotë dhe pa kushte të Marrëveshjes Bazike të Brukselit dhe Aneksit të saj të dakorduar në Ohër.
Kryeministri Kurti e ka falënderuar të dërguarin e Posaçëm të Mbretërisë së Bashkuar për Ballkanin Perëndimor, Lord Peach, për mbështetjen e vazhdueshme të Mbretërisë së Bashkuar.