Kryeministri Albin Kurti ka shprehur mbështetjen e tij për dy kombëtaret, atë të Kosovës dhe Shqipërisë për ndeshjet e tyre, që do të luajnë sonte.

Kosova dhe Shqipëria sonte në ndeshje vendimtare për Botërorin 2026

Në një postim në rrjetet sociale, Kurti theksoi rëndësinë e sportit si një simbol uniteti dhe krenarie kombëtare.

“Kosova me Sllovakinë, Shqipëria me Poloninë, të dyja në ndeshjet jashtë vendit, në sytë e gjithë kombit.

Kurajo dhe forcë, me mendje dhe zemër, urojmë për fitore. Ky shekull i shqiptarëve është edhe i talentit në sport. Ëndërrat janë për guximtarët. Botërori plotësohet kur Kuqezinjtë dhe Dardanët zbresin në Amerikë.

Forca, përpara e faleminderit për çdo emocion”, ka shkruar Kurti.