Kryetari i Lidhjes Demokratike të Kosovës, Lumir Abdixhiku dhe kryeministri i vendit, Albin Kurti, do të takohen nesër në përpjekjen e radhës për zgjedhjen e presidentit.

Takimi do të mbahet nga ora 11:00 në Kuvendin e Kosovës, njofton Dukagjini.

Këtë për Dukagjinin e tha edhe zëdhënësi i LDK-së, Besian Mustafa.

Kujtojmë se takimi i nesërm vjen dy javë pas takimit të fundit mes Kurtit dhe Abdixhikut, i cili, ndonëse zgjati rreth dy orë, përfundoi pa ndonjë rezultat konkret.

Aktualisht, nuk duken shenja të qarta të përafrimit për arritjen e një konsensusi për zgjedhjen e presidentit. Megjithatë, nga Lëvizja Vetëvendosje kanë paralajmëruar intensifikim të përpjekjeve politike nga kryeministri Albin Kurti për të arritur një marrëveshje.