Kurti dhe ministri Vitia vizitojnë ShSKUK-në

Kryeministri Albin Kurti dhe ministri i Shëndetësisë, Arben Vitia të mërkurën kanë bërë një vizitë zyrtare në Shërbimin Spitalor, Klinik dhe Universitar të Kosovës për të diskutuar për përmirësimet e sektorit shëndetësor

Kryeministri i Republikës së Kosovës, Albin Kurti dhe ministri i Shëndetësisë, Arben Vitia.

Kryeministri i Kosovës, Albin Kurti, dheministri i Shëndetësisë, Arben Vitia, kanë zhvilluar një vizitë zyrtare në Shërbimin Spitalor, Klinik dhe Universitar të Kosovës (ShSKUK).

Nga kjo vizitë, Kurti dhe Vitia kanë takuar drejtorin e ShSKUK-së, Elvir Azizi, dhe drejtorin e Shërbimeve të Përbashkëta Teknike dhe Administrative, Mentor Zejnullahu.

Siç ka njoftuar Zyra e Kryeministrit, Kurti ka shprehur kënaqësinë e tij për rezultatet dhe kontributin e shtuar të ShSKUK-së gjatë kësaj periudhe dhe ka deklaruar gatishmërinë e Qeverisë për të mbështetur plotësisht përmbushjen e objektivave të ardhshëm.

“Në këtë takim, krahas hartimit të statutit të ri të ShSKUK-së dhe QKUK-së që do të avancojë edhe më tej shërbimet shëndetësore, kryeministri Kurti u njoftua rreth punës në drejtim të përmirësimeve të shërbimeve shëndetësore për qytetarët, projekteve të reja të cilat planifikohen të realizohen, sa i përket ndërtimit dhe renovimit të disa klinikave brenda Qendrës Klinike Universitare të Kosovës (QKUK) si dhe investimeve në spitalet e përgjithshme regjionale me qëllim të rritjes së performancës”, thuhet në komunikatën e Zyrës së Kryeministrit.

Drejtori i ShSKUK-së, Elvir Azizi, gjatë takimit ka prezantuar një analizë të gjendjes infrastrukturore, burimeve njerëzore dhe pajisjeve mjekësore në klinikat QKUK dhe spitalet e përgjithshme.

Gjithashtu, është diskutuar rritja e bashkëpunimit ndërkombëtar me ekspertë të huaj, veçanërisht në degët me mungesë të stafit mjekësor, me qëllim të përfitimit nga përvoja e vendeve me sisteme shëndetësore të avancuara.

Po ashtu, gjatë takimit është diskutuar për ngritjen e trupave profesionale dhe konsiliumeve mjekësore në klinikat e ShSKUK-së, si dhe për implementimin e mekanizmave monitorues për të siguruar një punë të rregullt dhe të efektshme në institucionet shëndetësore.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika