Portali Dukagjini nga burime të sigurta ka siguruar informacion se Presidentja e Kosovës, Vjosa Osmani dhe kryeministri Albin Kurti së bashku me dy zëvendëskryeminsitrat, Besnik Bislimi dhe Donika Gërvalla janë në takim me Ambasadorin e Shteteve të Bashkuara të Amerikës (ShBA), Jeff Hovenier.
Takimi është zhvilluar ende në presidencë, ku Ambasadori amerikan, Jeff Hovenier ka bërë kërkesë nga qeveria e SHBA-së që të shtyhet implementimi i vendimeve të marra nga mbledhja e Këshillit të Sigurimit Kombëtar të Kosovës, e mbajtur mëngjesin e së dielës për 30 ditë .
Portali Dukagjini ka siguruar informacione nga burime të sigurta por, nuk ka ende asgjë zyrtare.
Po ashtu, e para e vendit, Vjosa Osmani ka shkruar në rrjetin social Facebook se Policia e Kosovës është duke punuar së bashku me partnerët ndërkombëtarë.
Ambasadori i Shteteve të Bashkuara të Amerikës në Kosovë, Jeff Hovenier ka kërkuar shtyerjen e implementimit të vendimeve të Qeverisë së Kosovës për 30 ditë.
“SHBA-ja nuk ka pasur shqetësim për vendimin. Kam pasur takim me presidenten Osmani, kryeministrin Kurti, zëvendëskryeministrin Osmani dhe ministren e Jashtme, Gërvalla, për të bërë një kërkesë të qartë nga Qeveria e SHBA-së që të shtyhet implementimi i vendimit për 30 ditë. Mendoj se shtyrja e implementimit do të ishte e nevojshme, pasi duket se ka pasur dezinformata dhe keqkuptime për vendimin”, ka thënë ai.